അനുബന്ധ വാര്ത്തകള്
- മടങ്ങിയെത്തുന്ന അതിഥി തൊഴിലാളികളെ കോണ്ട്രാക്ടറുടെ ഉത്തരവാദിത്വത്തില് ക്വാറന്റൈനിലാക്കും: മുഖ്യമന്ത്രി
- ലോക്ക് ഡൗണ് ബുദ്ധിമുട്ടുകള് ഒഴിവാക്കാന് 'ബസ് ഓണ് ഡിമാന്റ്' പദ്ധതിയുമായി കെഎസ്ആര്ടിസി
- കൊല്ലത്തെ അമൃതാനന്ദമയി മഠത്തിന് മുകളില് നിന്ന് വിദേശവനിത ചാടി ആത്മഹത്യ ചെയ്തു
- രാജ്യത്ത് കൊവിഡ് ബാധിതരുടെ എണ്ണം കുത്തനെ കൂടുന്നു, 24 മണിക്കൂറിനിടെ രോഗം സ്ഥിരീകരിച്ചത് 16922 പേർക്ക്
- ചങ്കിലെ ചൈന നേപ്പാളിന്റെ ചങ്കില് തന്നെ അടികൊടുത്തു; റൂയി ഗ്രാമം ഉള്പ്പെടെ 11പ്രദേശങ്ങള് ചൈന പിടിച്ചെടുത്തു
കണ്ണൂര് ജില്ലയില് ഇന്നലെ കൊവിഡ് സ്ഥിരീകരിച്ചത് 17പേര്ക്ക്; ആറുവാര്ഡുകള് കണ്ടെയ്ന്മെന്റ് സോണില്
കണ്ണൂര് ജില്ലയില് 17 പേര്ക്ക് കൊവിഡ് ബാധ സ്ഥിരീകരിച്ചു. മൂന്നു പേര് വിദേശത്ത് നിന്നും 11 പേര് ഇതര സംസ്ഥാനങ്ങളില് നിന്നും എത്തിയവരാണ്. മൂന്ന് പേര്ക്ക് സമ്പര്ക്കത്തിലൂടെയാണ് രോഗം പകര്ന്നത്. ഇതോടെ ജില്ലയില് കോവിഡ് ബാധിതരുടെ എണ്ണം 372 ആയി. ഇവരില് 250 പേര് രോഗം ഭേദമായി ആശുപത്രി വിട്ടു. ഇവരില് അഞ്ചു പേര് ഇന്നലെയാണ് ഡിസ്ചാര്ജായത്.
വിദേശത്ത് നിന്നും അന്യസംസ്ഥാനങ്ങളില് നിന്നുമെത്തിയവരില് പുതുതായി രോഗബാധ റിപ്പോര്ട്ട് ചെയ്യപ്പെട്ടതിനെ തുടര്ന്ന് ജില്ലയിലെ ആറ് വാര്ഡുകള് കൂടി കണ്ടെയിന്മെന്റ് സോണുകളായി ജില്ലാ കലക്ടര് പ്രഖ്യാപിച്ചു. മട്ടന്നൂര് നഗരസഭയിലെ നാലാം വാര്ഡ്, ആലക്കോട് പഞ്ചായത്തിലെ അഞ്ചാം വാര്ഡ്, പിണറായി പഞ്ചായത്തിലെ അഞ്ചാം വാര്ഡ്, കൊട്ടിയൂര് പഞ്ചായത്തിലെ 11-ാം വാര്ഡ്, കരിവെള്ളൂര് പെരളം പഞ്ചായത്തിലെ ഒന്പതാം വാര്ഡ്, മുണ്ടേരി പഞ്ചായത്തിലെ ഏഴാം വാര്ഡ് എന്നിവയാണ് പുതുതായി കണ്ടെയിന്മെന്റ് സോണില് ഉള്പ്പെട്ടത്. നേരത്തേ കണ്ടെയിന്മെന്റ് സോണില് ഉള്പ്പെട്ടിരുന്ന പാപ്പിനിശ്ശേരി പഞ്ചായത്തിലെ മൂന്നാം വാര്ഡ് പട്ടികയില് നിന്ന് ഒഴിവാക്കി.
