അനുബന്ധ വാര്ത്തകള്
- Mothers Day Special: ഒരു അമ്മയ്ക്ക് മാത്രമെ ഈ ഒരു യാത്രയുടെ സുഖങ്ങളും സങ്കടങ്ങളും മനസിലാക്കാൻ കഴിയു: ഹൃദയത്തിൽ തൊടുന്ന കുറിപ്പുമായി ലിസി
- മാതൃദിനത്തിൽ കുഞ്ഞ് നീൽ കിച്ച്ലുവിന്റെ ചിത്രം ആദ്യമായി പുറത്തുവിട്ട് കാജൽ അഗർവാൾ
- ടെക് ലോകത്ത് കിതച്ച് ഫെയ്സ്ബുക്, സ്നാപ്ചാറ്റ് കുതിക്കുന്നു
- ഫെയ്സ്ബുക്കിന് പിന്നാലെ ഇൻസ്റ്റഗ്രാമിനും റ്ഷ്യയിൽ നിരോധനം: മാർച്ച് 14 മുതൽ പ്രാബല്യത്തിൽ
- യൂറോപ്പിലെ സ്വകാര്യത ചട്ടങ്ങളിൽ വലഞ്ഞ് മെറ്റ, ഫേസ്ബുക്കും ഇൻസ്റ്റഗ്രാമും അടച്ചുപൂട്ടുമോ?
അമ്മയുടെ കണ്ണിലെ ഭയവും വിങ്ങലും കണ്ടില്ലെന്ന് നടിച്ചു: മാതൃദിനത്തിൽ കുറിപ്പുമായി കെ സുധാകരൻ
മാതൃദിനത്തിൽ അമ്മയെ ഓർത്ത് കെപിസിസി അധ്യക്ഷനും എംപിയുമായ കെ സുധാകരൻ. ഫെയ്സ്ബുക്ക് കുറിപ്പിലൂടെയാണ് അദ്ദേഹം ഓർമകൾ പങ്കുവെച്ചത്.
കെ സുധാകരന്റെ ഫെയ്സ്ബുക്ക് കുറിപ്പ് ഇങ്ങനെ
ഒരു കാലത്ത് രാഷ്ട്രീയ പ്രവർത്തനത്തിന് ഞാൻ വീട്ടിൽ നിന്നിറങ്ങുമ്പോൾ കണ്ണിൽ നിന്ന് മറയുന്നത് വരെ ഉമ്മറത്ത് അമ്മ എന്നെ നോക്കി നിൽക്കുമായിരുന്നു. തിരിച്ചുവരുമെന്ന് യാതൊരു ഉറപ്പുമില്ലാത്ത ആ യാത്രകളിൽ അമ്മയുടെ കണ്ണുകളിലെ ഭയവും വിങ്ങലും ഞാൻ കണ്ടില്ലെന്ന് നടിച്ചിട്ടുണ്ട്.
ഞാനും എൻ്റെ സഹപ്രവർത്തകരും സ്വന്തം അമ്മമാരുടെ കണ്ണുകളിലെ ഭയം കണ്ട് പിൻമാറിയാൽ നൂറുകണക്കിന് അമ്മമാരുടെ കണ്ണീർ വീഴ്ത്താൻ മറുവശത്ത് സിപിഎം കൊലയാളി സംഘം കാത്തിരിപ്പുണ്ടെന്ന് എൻ്റെ അമ്മയ്ക്ക് എന്നേക്കാൾ നന്നായി അറിയാമായിരുന്നു. അതുകൊണ്ട് തന്നെ സങ്കടം പറയുമ്പോഴും അമ്മ എന്നെ അനുഗ്രഹിച്ചിട്ടേയുള്ളു. ആ അമ്മയുടെ അനുഗ്രഹവും മനോധൈര്യവും എൻ്റെ കാലുകൾക്ക് കൂടുതൽ കരുത്ത് നൽകിയിട്ടുണ്ട്.
അമ്മമാർ ഉള്ളിടത്തോളം കാലം എത്ര മുതിർന്നാലും നമ്മൾ ഒരു ചെറിയ കുട്ടി തന്നെയാണ്. അവർ ഇല്ലാതാകുമ്പോൾ, ആ വാത്സല്യം നഷ്ടമാകുമ്പോൾ ജീവിതത്തിൽ നികത്താനാകാത്ത ശൂന്യതയുണ്ടാകും.
എല്ലുമുറിയുന്ന വേദന സഹിച്ച് നമുക്ക് ജന്മം നൽകി, പട്ടിണിയിലും കഷ്ടപ്പാടുകളിലും വരെ മക്കളെ നിറവയറൂട്ടിയ, പ്രതിസന്ധികളിൽ പൊരുതാൻ പഠിപ്പിച്ച ലോകത്തിലെ എല്ലാ അമ്മമാരോടും ആദരവ്, മാതൃദിനാശംസകൾ.
