അനുബന്ധ വാര്ത്തകള്
- ക്ഷേത്രങ്ങളില് ആര്എസ്എസ് ഗണഗീതവും വിപ്ലവഗാനവും ആലപിച്ച സംഭവം: കര്ശന നടപടിയെന്ന് ദേവസ്വം ബോര്ഡ്
- തൃശൂര്ക്കാര്ക്ക് പറ്റിയ അബദ്ധം; സുരേഷ് ഗോപിയെ ട്രോളി ഗണേഷ് കുമാര്
- പെട്രോളിനും ഡീസലിനും വില കൂടും; എക്സൈസ് ഡ്യൂട്ടി രണ്ട് രൂപ വര്ദ്ധിപ്പിച്ച് കേന്ദ്ര സര്ക്കാര്
- ഇന്ത്യയിൽ വിഭജന രാഷ്ട്രീയം ആധിപത്യമുറപ്പിക്കുന്നു, രാഷ്ട്രീയ സിനിമയല്ലാതിരുന്നിട്ടും എമ്പുരാനെതിരെ ആക്രമണമുണ്ടായി: പിണറായി വിജയൻ
- സംസ്ഥാനത്തെ ആശുപത്രികളില് ഡോക്ടര്മാരുടെ ക്ഷാമം; ഒരു ഡോക്ടറിന് 7000 രോഗികള്!
ലോകത്തെവിടെ നിന്നും വിവാഹം രജിസ്റ്റര് ചെയ്യാം; കെ സ്മാര്ട്ടില് ഇതുവരെ രജിസ്റ്റര് ചെയ്തത് 21344 വിവാഹങ്ങള്
വരനും വധുവിനും ലോകത്തെവിടെ ഇരുന്നും വിവാഹം രജിസ്റ്റര് ചെയ്യാം. രണ്ടുപേരും ഒരു സ്ഥലത്ത് വേണമെന്നില്ല, ഒരേ സമയത്ത് ഓണ്ലൈനില് വരണമെന്നുമില്ല. വിവാഹം ഓണ്ലൈനായി വീഡിയോ കെവൈസി വഴി രജിസ്റ്റര് ചെയ്യാന് സംവിധാനവുമായി കെ സ്മാര്ട്ട്. രാജ്യത്ത് ആദ്യമായി വീഡിയോ കെവൈസിയിലൂടെ വിവാഹ രജിസ്ട്രേഷന് സാധ്യമാക്കിയത് കെ സ്മാര്ട്ടിലൂടെ കേരളമാണ്. നഗരങ്ങളില് 2024 ജനുവരി മുതല് ഈ മാര്ച്ച് 31 വരെ നടന്ന 63001 വിവാഹ രജിസ്ട്രേഷനില് 21344 ഉം ഈ ഓണ്ലൈന് സാധ്യത പ്രയോജനപ്പെടുത്തിയാണ് നടന്നിട്ടുള്ളത്.
കെ സ്മാര്ട്ട് സംവിധാനം പ്രയോജനപ്പെടുത്തുന്നതിലൂടെ വിവാഹ രജിസ്ട്രേഷന് നഗരസഭാ ഓഫീസുകള് കയറിയിറങ്ങേണ്ടി വരുന്നില്ല. പ്രവാസികള്ക്ക് മാത്രമല്ല, നാട്ടില് ജീവിക്കുന്നവര്ക്കും ഈ സേവനം ഏറെ പ്രയോജനപ്രദമാണ്. ഇതുള്പ്പെടെയുള്ള കെ സ്മാര്ട്ട് സേവനങ്ങളാണ് ഏപ്രില് 10 മുതല് ഗ്രാമപഞ്ചായത്തുകളിലേക്കും വ്യാപിപ്പിക്കും.
