അനുബന്ധ വാര്ത്തകള്
- സ്വത്ത് തട്ടിയെടുക്കാന് മകള് അമ്മയെ വിഷം കൊടുത്ത് കൊന്നു; ആശുപത്രിയിലെത്തിച്ചത് മഞ്ഞപിത്തമാണെന്ന് പറഞ്ഞ് ! നാടിനെ നടുക്കിയ സംഭവം തൃശൂരില്
- പശുവിനെ പ്രകൃതിവിരുദ്ധ പീഡനത്തിനിരയാക്കിയ വിരമിച്ച സര്ക്കാര് ഉദ്യോഗസ്ഥന് അറസ്റ്റില്
- കോട്ടയത്ത് യുവതിയെ കിണറ്റില് മരിച്ച നിലയില് കണ്ടെത്തി
- സംസ്ഥാനത്ത് ഞായറാഴ്ച വരെ വ്യാപകമഴ, ആറിടത്ത് ഓറഞ്ച് അലർട്ട്, 50 കിലോമീറ്റർ വേഗതയിൽ കാറ്റിന് സാധ്യത
- അടുത്ത അഞ്ചുദിവസങ്ങളില് വിവിധ ജില്ലകളില് പ്രഖ്യാപിച്ചിരിക്കുന്ന ഓറഞ്ച്, മഞ്ഞ അലര്ട്ടുകള് ഇങ്ങനെ
അമ്മയെ വിഷം കൊടുത്ത് കൊല്ലാന് ഗൂഗിളില് സെര്ച്ച് ചെയ്ത് മകള് ! നടുങ്ങി നാട്
ചോദ്യം ചെയ്യലില് ഇന്ദുലേഖ കുറ്റം സമ്മതിച്ചതായി പൊലീസ് പറയുന്നു
പ്രതി ഇന്ദുലേഖ
സ്വത്ത് തട്ടിയെടുക്കാന് മകള് അമ്മയെ വിഷം കൊടുത്തു കൊന്നു. തൃശൂര് കുന്നംകുളം കീഴൂര് സ്വദേശിനി ചന്ദ്രന്റെ ഭാര്യ രുഗ്മിണി (57) ആണ് മരിച്ചത്. മകള് ഇന്ദുലേഖയുടെ (40) അറസ്റ്റ് ഇന്ന് രേഖപ്പെടുത്തും. ഇന്ദുലേഖയെ കസ്റ്റഡിയിലെടുത്ത് പൊലീസ് ചോദ്യം ചെയ്തിരുന്നു.
മഞ്ഞപിത്തത്തിന്റെ ലക്ഷണമാണെന്ന് പറഞ്ഞാണ് ഇന്ദുലേഖ അമ്മയെ ആശുപത്രിയിലെത്തിച്ചത്. ആശുപത്രിയില് ചികിത്സയിലിരിക്കെ രുഗ്മിണി മരിച്ചു. ചികിത്സയ്ക്കിടെ ദേഹത്ത് വിഷാംശം ഉള്ളതായി ഡോക്ടര്മാര്ക്ക് സംശയം തോന്നിയിരുന്നു. പിന്നീട് പോസ്റ്റ്മോര്ട്ടത്തിലാണ് ഇക്കാര്യം തെളിഞ്ഞത്. ഇതിനു പുറമേ അമ്മയെ മകള് കൊന്നതാകാമെന്ന് അച്ഛന് പൊലീസില് സംശയം പ്രകടിപ്പിക്കുകയും ചെയ്തു. അച്ഛനും അമ്മയും രണ്ട് പെണ് മക്കളും അടങ്ങുന്നതാണ് കുടുംബം.
കസ്റ്റഡിയിലെടുത്ത് ചോദ്യം ചെയ്തപ്പോള് ഇന്ദുലേഖ കുറ്റം സമ്മതിക്കുകയായിരുന്നു. 14 സെന്റ് സ്ഥലവും വീടും തട്ടിയെടുക്കാനാണ് മകള് അമ്മയെ കൊന്നതെന്ന് പൊലീസ് പറയുന്നു. ഇത് പണയംവെച്ച് പണം കണ്ടെത്താനായിരുന്നു ഇന്ദുലേഖയുടെ പദ്ധതി.
ഇന്ദുലേഖയ്ക്ക് ബാങ്കില് കടബാധ്യതയുണ്ട്. ഈ കടബാധ്യത തീര്ക്കാന് വേറെ വഴി ഇല്ലാതെ വന്നപ്പോള് അമ്മയുടെ പേരിലുള്ള സ്ഥലം തട്ടിയെടുക്കാന് അമ്മയെ കൊല്ലാന് തീരുമാനിക്കുകയായിരുന്നു.
ഇന്ദുലേഖയുടെ ഭര്ത്താവ് ഗള്ഫിലാണ്. മകന് 17 വയസുണ്ട്. മകന്റെ പഠനം ഉള്പ്പെടെയുള്ള ആവശ്യങ്ങള്ക്കായി പണത്തിന് സ്ഥലവും വീടും തന്റെ പേരിലേക്ക് എഴുതി തരണമെന്ന് മകള് നിരന്തരം ആവശ്യപ്പെട്ടിരുന്നു. ഇതിന്റെ പേരില് അമ്മ രുഗ്മിണിയുമായി മകള് വഴക്കിട്ടിരുന്നതായും പൊലീസ് പറയുന്നു.
ചോദ്യം ചെയ്യലില് ഇന്ദുലേഖ കുറ്റം സമ്മതിച്ചതായി പൊലീസ് പറയുന്നു. അമ്മയെ കൊല്ലാനായി ഇന്ദുലേഖ ഗൂഗിളില് സെര്ച്ച് ചെയ്ത് നോക്കിയിരുന്നു. അപ്പോഴാണ് വിഷം കൊടുത്ത് കൊല്ലാനുള്ള പദ്ധതിയിട്ടതെന്നും ഇന്ദുലേഖ സമ്മതിച്ചു. തന്നെ കൊല്ലാനും മകള് ശ്രമിച്ചതായി അച്ഛന് പൊലീസിന് മൊഴി നല്കിയിട്ടുണ്ട്.
