അനുബന്ധ വാര്ത്തകള്
- 'പറഞ്ഞത് ദ്വയാര്ത്ഥം തന്നെ'; വിമര്ശിച്ച് കോടതി, ഒടുവില് ജാമ്യം
- അടുത്ത ആളുടെ കൈയിലും കുരുക്ക് വീഴാന് സമയമായി; ഹണി റോസിനെതിരായ പരാമര്ശത്തില് രാഹുല് ഈശ്വറിന്റെ അറസ്റ്റിനു സാധ്യത
- മിനുറ്റുകള്ക്കുള്ളില് പ്രതികരിച്ചില്ലെങ്കില് വാലിഡ് അല്ലാതായി പോകാന് ഇത് ഒടിപി അല്ല: കെ.ആര് മീര
- ഒരാള് മോശമായി പെരുമാറിയാല് ഒരു വര്ഷം കഴിഞ്ഞല്ല, അപ്പോള് തന്നെ പ്രതികരിക്കണമെന്ന് സുചിത്ര; ഹണി റോസിനുള്ള മറുപടിയോ?
- താന് അഭിഭാഷകനാണ്, കേസ് സ്വയം വാദിക്കും: ഹണി റോസ് നല്കിയ പരാതിയില് രാഹുല് ഈശ്വര്
സ്ത്രീത്വത്തെ നിരന്തരമായി അധിക്ഷേപിക്കുന്നു, രാഹുൽ ഈശ്വറിനെതിരെ കേസെടുത്ത് യുവജന കമ്മീഷൻ
നടി ഹണിറോസിനെതിരായ അധിക്ഷേപ പരാമര്ശങ്ങളില് രാഹുല് ഈശ്വറിനെതിരെ കേസെടുത്ത് യുവജന കമ്മീഷന്. ദിശ എന്ന സംഘടന നല്കിയ പരാതിയുടെ അടിസ്ഥാനത്തിലാണ് കേസ്. സ്ത്രീത്വത്തെ നിരന്തരമായി വാര്ത്താചാനലുകളിലൂടെ അപമാനിക്കുകയും സ്ത്രീ വിരുദ്ധമായ പരാമര്ശങ്ങള് പ്രചരിപ്പിക്കുന്നതായും ചൂണ്ടിക്കാണിച്ചാണ് ദിശ പരാതി നല്കിയത്. അതിജീവിതയെ ചാനല് ചര്ച്ചയില് അപമാനിക്കുന്ന പാനലിസ്റ്റുകളെ ചര്ച്ചയില് പങ്കെടുപ്പിക്കരുതെന്ന് യുവജനകമ്മീഷന് അധ്യക്ഷന് ഷാജര് ആവശ്യപ്പെട്ടു.
സമൂഹമാധ്യമങ്ങളിലൂടെ അപകീര്ത്തിപ്പെടുത്തിയെന്ന് ചൂണ്ടിക്കാടി നടി ഹണിറോസ് നേരത്തെ രാഹുല് ഈശ്വറിനെതിരെ പരാതി നല്കിയിരുന്നു. അറസ്റ്റ് സാധ്യത മുന്നില് കണ്ട് രാഹുല് കോടതിയില് മുന്കൂര് ജാമ്യം തേടുകയും ചെയ്തിരുന്നു. ഹണിറോസിന്റെ വസ്ത്രധാരണത്തില് ഉപദേശം നല്കുക മാത്രമാണ് താന് ചെയ്തതെന്നും ഹണിറോസിനെ അധിക്ഷേപിച്ചിട്ടില്ലെന്നുമാണ് ജാമ്യാപേക്ഷയില് രാഹുല് ഈശ്വറിന്റെ വാദം. ആര്ക്കെതിരെയും സൈബര് അധിക്ഷേപം പാടില്ലെന്നാണ് തന്റെ നിലപാടെന്നും മുന്കൂര് ജാമ്യാപേക്ഷയില് രാഹുല് പറഞ്ഞിരുന്നു.
