അനുബന്ധ വാര്ത്തകള്
- കേരള ബിജെപി അധ്യക്ഷ സ്ഥാനത്ത് നിന്നും കെ സുരേന്ദ്രനെ മാറ്റിയേക്കും സുരേഷ് ഗോപിയെ കേന്ദ്രമന്ത്രിസഭയിലെത്തിക്കാനും നീക്കം
- സംസ്ഥാനത്ത് ഇന്ന് 12 ജില്ലകളിലും ഓറഞ്ച് അലര്ട്ട്, മലയോര മേഖലകളില് മഴ ശക്തമാകും
- മുതിര്ന്നവരേക്കാള് വേഗത്തില് കുട്ടികളില് പനി ബാധിക്കും, കാരണം ഇതാണ്
- എത്ര ഡിഗ്രി പനി വരുമ്പോഴാണ് ചികിത്സ തേടേണ്ടത്
- എഐ ക്യാമറ ഇതുവരെ കണ്ടെത്തിയത് 20.42 ലക്ഷം നിയമ ലംഘനങ്ങള്
ഗുജറാത്ത് തീരം മുതൽ കേരള തീരം വരെ ന്യൂനമർദ്ദപാത്തി, 2 ദിവസം കൂടി സംസ്ഥാനത്ത് വ്യാപകമഴ
കാലവര്ഷം ശക്തമായതോടെ സംസ്ഥാനത്ത് 2 ദിവസം കൂടി കനത്ത മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. കേരളത്തില് ഇതിനെ തുടര്ന്ന് വ്യാപകമായ മഴയ്ക്കും ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യതയുണ്ട്. തുടര്ന്ന് മഴയുടെ തീവ്രത കുറയുമെന്ന് കാലാവസ്ഥാ വകുപ്പിന്റെ മുന്നറിയിപ്പില് പറയുന്നു.
നിലവില് ഗുജറാത്ത് തീരം മുതല് കേരള തീരം വരെ തീരദേശ ന്യൂനമര്ദ്ദ പാത്തില് നിലനില്ക്കുന്നതായി സംസ്ഥാന ദുരന്ത നിവാരണ അതോറിറ്റിയും അറിയിച്ചു. ഇതിനെ തുടര്ന്ന് സംസ്ഥാനത്തെ എല്ലാ ജില്ലകളിലും ഒറ്റപ്പെട്ടയിടങ്ങളില് ഇന്ന് മഴയ്ക്ക് സാധ്യതയുണ്ടെന്ന് കാലാവസ്ഥാ കേന്ദ്രം അറിയിക്കുന്നു. പത്തനംതിട്ട മുതല് കാസര്കോട് വരെ ഓറഞ്ച് അലര്ട്ടാണ്. തിരുവനന്തപുരത്തും കൊല്ലത്തും യെല്ലോ അലര്ട്ടാണ്. ഇടുക്കിയില് പല ഭാഗത്തും മഴയുണ്ട്. വൃഷ്ടിപ്രദേശങ്ങളില് കനത്ത മഴയായതിനാല് സംസ്ഥാനത്ത് വിവിധ അണക്കെട്ടുകള് തുറന്നു. പത്തനംതിട്ടയില് മണിയാര് ഡാം തുറന്ന സാഹചര്യത്തില് പമ്പ,കക്കാട്ടാര് തീരങ്ങളില് വസിക്കുന്നവര്ക്ക് ജാഗ്രതാ നിര്ദേശം പുറപ്പെടുവിച്ചിട്ടുണ്ട്.
