അനുബന്ധ വാര്ത്തകള്
- നടന് അജിത്തിന്റെ ആരോഗ്യ വിവരങ്ങള്... നടന്റെ പുതിയ വിശേഷങ്ങള്
- സോളോ ട്രിപ്പ് ,തായ്ലന്ഡ് യാത്രയില് നടി പുണ്യ എലിസബത്ത്
- സണ് അലര്ജിയും വിറ്റാമിന് ഡിയുടെ കുറവും; കേസുകള് ഉയരുന്നു
- അതിശയിപ്പിക്കുന്ന ആരോഗ്യഗുണങ്ങളാണ് ഹിമാലയന് പിങ്ക് ഉപ്പിന്, ഇക്കാര്യങ്ങള് അറിയണം
- RCB Win WPL 2024: 16 വര്ഷത്തെ കാത്തിരിപ്പിനൊടുവില് സ്മൃതി മന്ദാനയും സംഘവും ആര്സിബിയുടെ ആദ്യ കിരീടത്തില് മുത്തമിട്ടു
ഈമാസം 20വരെ ചൂട് കനക്കും; ഏഴുജില്ലകളില് യെല്ലോ അലര്ട്ട്
ഈമാസം 20വരെ ചൂട് കനക്കും. ഏഴുജില്ലകളില് യെല്ലോ അലര്ട്ട് പ്രഖ്യാപിച്ചു. പാലക്കാട്, കൊല്ലം ജില്ലകളില് ഉയര്ന്ന താപനില 39°C വരെയും, പത്തനംതിട്ട, ആലപ്പുഴ, കോട്ടയം എന്നീ ജില്ലകളില് ഉയര്ന്ന താപനില 37°C വരെയും തൃശ്ശൂര്, കോഴിക്കോട് എന്നീ ജില്ലകളില് ഉയര്ന്ന താപനില 36°C വരെയും (സാധാരണയെക്കാള് 2 - 4 °C കൂടുതല്) ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ 2024 മാര്ച്ച് 17 മുതല് 20 വരെ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്.
ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങള്ക്ക് കാരണമാകും. അതുകൊണ്ട് പൊതുജനങ്ങള് താഴെ പറയുന്ന നിര്ദേശങ്ങള് പാലിക്കേണ്ടതാണ്. പകല് 11 am മുതല് വൈകുന്നേരം 3 pm വരെയുള്ള സമയത്ത് നേരിട്ട് ശരീരത്തില് കൂടുതല് സമയം തുടര്ച്ചയായി സൂര്യപ്രകാശം ഏല്ക്കുന്നത് ഒഴിവാക്കുക. പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക. നിര്ജലീകരണമുണ്ടാക്കുന്ന മദ്യം, കാപ്പി, ചായ, കാര്ബണേറ്റഡ് ശീതള പാനീയങ്ങള് തുടങ്ങിയവ പകല് സമയത്ത് ഒഴിവാക്കുക. അയഞ്ഞ, ഇളം നിറത്തിലുള്ള കോട്ടണ് വസ്ത്രങ്ങള് ധരിക്കുക.
