അനുബന്ധ വാര്ത്തകള്
- Gopan Swami: മൃതദേഹം ചമ്രംപടിഞ്ഞ് ഇരിക്കുന്ന നിലയില്, അരയ്ക്കു കീഴെ ഏതാണ്ട് അഴുകിയ നിലയില്; ഇനിയെന്ത്?
- Gopan Swami Tomb Opening: ഗോപന് സ്വാമിയുടെ കല്ലറ തുറന്നു; മൃതദേഹം ഇരിക്കുന്ന നിലയില് !
- Gopan Swami Death Case Kerala: വിവാദ 'കല്ലറ' തുറക്കുന്നു; ദുരൂഹത നീങ്ങാന് ഇനി മണിക്കൂറുകള്
- നവീന് ബാബു തൂങ്ങിമരിച്ചതാണെന്ന് പോസ്റ്റ്മോര്ട്ടം റിപ്പോര്ട്ട്
- ഓണ്ലൈന് ട്രേഡിങ് ലാഭം വാഗ്ദാനം ചെയ്ത് പറ്റിച്ചു; കേരള ഹൈക്കോടതി റിട്ടയേഡ് ജഡ്ജിയുടെ 90 ലക്ഷം രൂപ നഷ്ടപ്പെട്ടു
നെയ്യാറ്റിന്കര ഗോപന് സ്വാമിയുടേത് സ്വാഭാവിക മരണം, പോസ്റ്റ്മോര്ട്ടം പൂര്ത്തിയായി
നെയ്യാറ്റിന്കര ഗോപന് സ്വാമിയുടെ പോസ്റ്റ്മോര്ട്ടം പൂര്ത്തിയായി. സ്വാഭാവിക മരണമെന്നാണ് പ്രാഥമിക നിഗമനം. മെഡിക്കല് കോളേജ് ഡോക്ടര്മാരാണ് ഗോപന് സ്വാമിയുടേത് സ്വാഭാവിക മരണമെന്ന് വിലയിരുത്തിയത്. മരിച്ച ശേഷം സമാധിയിരുത്തിയെന്നാണ് മെഡിക്കല് കോളേജില് നിന്ന് ലഭിക്കുന്ന വിവരം. ശരീരത്തില് മുറിവുകള് ഇല്ല. വിഷം ഉള്ളി ചെന്നിട്ടില്ലെന്നുമാണ് ലഭിക്കുന്ന വിവരം. അതേസമയം ആന്തരിക അവയവങ്ങളുടെ ശാസ്ത്രീയ പരിശോധനകള് ഇനിയും പൂര്ത്തിയാകാനുണ്ട്.
മൃതദേഹത്തില് പരിക്കുകള് ഉണ്ടോ എന്നറിയാന് എക്സ്ട്രേ, റേഡിയോളജി പരിശോധനകള് നടത്തിയിരുന്നു. പൂര്ണ്ണമായ പരിശോധനയുടെ ഫലം വരാന് ഒരാഴ്ചയെങ്കിലും എടുക്കും. കൂടാതെ മരിച്ചത് ഗോപന് സ്വാമി തന്നെയാണോയെന്ന് ശാസ്ത്രീയമായി തെളിയിക്കാന് ഡിഎന്എ പരിശോധനയും നടത്തുമെന്ന് ഡോക്ടര്മാര് അറിയിച്ചു.
ഇന്ന് രാവിലെയാണ് മൃതദേഹം പുറത്തെടുത്തത്. തിരുവനന്തപുരം സബ് കളക്ടറിന്റെ നേതൃത്വത്തിലായിരുന്നു നടപടി. നെഞ്ചുവരെ സുഗന്ധദ്രവ്യങ്ങള് നിറച്ചിരുന്നു. വായില് ഭസ്മം ഉണ്ടായിരുന്നു. മൃതദേഹം അഴുകിതുടങ്ങിയ നിലയിലായിലായിരുന്നു.
