അനുബന്ധ വാര്ത്തകള്
- കൊല്ലത്ത് മുടി വെട്ടിയിലെന്ന കാരണത്താല് വിദ്യാര്ഥികളായ 14 പേരെ സ്കൂളില് നിന്ന് പുറത്താക്കി; മഴ നനഞ്ഞു നിന്നെന്ന് കുട്ടികളുട പരാതി
- കേരളത്തിൽ മൂന്നും നാലും റെയിൽവേ പാതകൾ വരുന്നു, ഭൂമിയേറ്റെടുക്കലിന് പിന്തുണ തേടിയെന്ന് അശ്വിനി വൈഷ്ണവ്
- തിരുവനന്തപുരത്ത് ഐബി ഉദ്യോഗസ്ഥ ജീവനൊടുക്കിയ സംഭവത്തില് പ്രതിയായ സുകാന്തിനെ കസ്റ്റഡിയില് വിട്ടു; ലൈംഗികശേഷി പരിശേധിക്കും
- ആറ്റിൽ മുങ്ങിയ കുട്ടികളെ രക്ഷിക്കാൻ ശ്രമിക്കവേ മദ്ധ്യവയസ്കൻ മുങ്ങിമരിച്ചു
- ചരക്ക് കപ്പൽ മുങ്ങിയത് പണിയായത് മത്സ്യത്തൊഴിലാളികള്ക്ക്; ആരും മത്സ്യം വാങ്ങുന്നില്ല, ചിക്കന് വില കൂടി
എറണാകുളം പെരുമ്പാവൂരിൽ 2 ദിവസം മുൻപ് കാണാതായ 18 കാരിയുടെ മൃതദേഹം കണ്ടെത്തി
എറണാകുളം : എറണാകുളം ജില്ലയിലെ പെരുമ്പാവൂര് മഞ്ഞപ്പെട്ടിയില് നിന്ന് രണ്ടു ദിവസം മുമ്പു കാണാതായ പതിനെട്ടുകാരിയുടെ മൃതദേഹം ആലുവാപ്പുഴയില് നിന്ന് കണ്ടെത്തി. ഇന്ന് വൈകിട്ടോടെയാണ് മൃതദ്ദേഹം കണ്ടെത്തിയത്. കഴിഞ്ഞ ഞായറാഴ്ച്ച കാണാതായ മഞ്ഞപ്പെട്ടി സ്വദേശി മണിയുടെ മകള് സുമയുടെ മൃതദേഹമാണ് കണ്ടെത്തിയതെന്ന് പൊലീസ് സ്ഥിരീകരിച്ചു.
പെരിയാറ്റിലെ ആലുവ തുരുത്തിനടുത്തുള്ള കടവിലാണ് വൈകിട്ട് നാലു മണിയോടെ മൃതദേഹം അടിഞ്ഞത്. വീട്ടില് വച്ച് ഫോണ് ഉപയോഗവുമായി ബന്ധപ്പെട്ട് കുട്ടിയും മാതാപിതാക്കളും തമ്മില് പ്രശ്നം ഉണ്ടായിരുന്നു എന്നാണ് അറിയാന് കഴിഞ്ഞത്. ഈ അവസരത്തിലാണ് കുട്ടി വീട്ടില് നിന്നും ഇറങ്ങിപ്പോയതെന്ന് പൊലീസ് പറയുന്നു. വീടുവിട്ടിറങ്ങിയ പെണ്കുട്ടി ഞായറാഴ്ച മാറമ്പിള്ളി പാലത്തില് നിന്ന് പുഴയിലേക്ക് ചാടുകയായിരുന്നു. ഇത് നാട്ടുകാരില് ഒരാള് കണ്ടതിനെ തുടര്ന്ന് ഫയര് ഫോഴ്സ് കഴിഞ്ഞ ദിവസം പുഴയില് തെരച്ചില് നടത്തിയെങ്കിലും കുട്ടിയെ കണ്ടെത്താനായില്ല. പുഴയില് അതിശക്തമായ ഒഴുക്കായിരുന്നു.
