അനുബന്ധ വാര്ത്തകള്
- നിറപുത്തരി പൂജയ്ക്കായി ശബരിമല ക്ഷേത്രനട തുറന്നു: നിറപുത്തരി പൂജ വ്യാഴാഴ്ച പുലർച്ചെ
- മണര്കാട് വെള്ളക്കെട്ടില് കാണാതായ വിദ്യാര്ത്ഥിയുടെ മൃതദേഹം കണ്ടെത്തി
- പീച്ചി ഡാമിന്റെ ഷട്ടര് ഉയര്ത്തി; ജാഗ്രതാ നിര്ദേശങ്ങള് നല്കി
- Holiday in Ernakulam: കനത്ത മഴ: എറണാകുളം ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും അവധി
- സംസ്ഥാനത്ത് 12 ജില്ലകളില് ഓറഞ്ച് അലര്ട്ട്
'സ്കൂള് ടൈം തുടങ്ങിയിട്ടല്ല ഇതൊക്കെ അറിയിക്കുക'; എറണാകുളം കലക്ടറുടെ പേജില് പൊങ്കാല
എറണാകുളം ജില്ലാ കലക്ടര് രേണു രാജിന്റെ ഫെയ്സ്ബുക്ക് പേജില് പൊങ്കാല. ജില്ലയിലെ സ്കൂളുകള്ക്ക് മഴ അവധി നേരംവൈകി പ്രഖ്യാപിച്ചതാണ് പൊങ്കാലയ്ക്ക് കാരണം. സ്കൂള് ടൈം തുടങ്ങിയ ശേഷമാണ് കലക്ടറുടെ അറിയിപ്പ് എത്തിയത്. അപ്പോഴേക്കും പല കുട്ടികളും സ്കൂളില് എത്തിയിരുന്നു. അവധി പ്രഖ്യാപിച്ചുകൊണ്ടുള്ള കലക്ടറുടെ ഫെയ്സ്ബുക്ക് പോസ്റ്റിന് താഴെ വിദ്യാര്ഥികളുടെ മാതാപിതാക്കള് രൂക്ഷവിമര്ശനവുമായി രംഗത്തെത്തി. ഇതിനോടകം സ്കൂളിലേക്ക് പുറപ്പെട്ട കുട്ടികള് എന്ത് ചെയ്യുമെന്നാണ് മാതാപിതാക്കള് കലക്ടറോട് ചോദിച്ചത്.
പ്രവര്ത്തനം ആരംഭിച്ച സ്കൂളുകള് അടക്കേണ്ടതില്ലെന്നും സ്കൂളുകളിലെത്തിയ വിദ്യാര്ഥികളെ തിരിച്ചയക്കേണ്ടതില്ലെന്നും കലക്ടര് അറിയിപ്പ് തിരുത്തി. എന്നാല് അതുകൊണ്ടൊന്നും മാതാപിതാക്കള് അടങ്ങിയില്ല. രാത്രി മുതല് ശക്തമായ മഴയുണ്ടെന്നും അവധിയുടെ കാര്യം നേരത്തെ പ്രഖ്യാപിക്കേണ്ടതായിരുന്നെന്നും നിരവധി പേരാണ് കമന്റ് ചെയ്തിരിക്കുന്നത്.
