അനുബന്ധ വാര്ത്തകള്
- പുതിയ നിയമം ആദ്യമായി പരീക്ഷിച്ചു, പണികിട്ടിയത് ട്രിസ്റ്റ്യണ് സ്റ്റമ്പ്സിന്; പുറത്തായതിന് പിന്നാലെ രോഷപ്രകടനം
- എസ്.എസ്.എല്.സി, പ്ലസ് ടു പരീക്ഷകള് ഇന്ന് അവസാനിക്കും; സ്കൂള് പരിസരങ്ങളില് പൊലീസ് സുരക്ഷ
- വാർഷിക പരീക്ഷ അവസാനിക്കുന്ന ദിവസം സ്കൂളുകളിൽ സംഘർഷം ഉണ്ടാകുന്ന തരത്തിൽ ആഘോഷപരിപാടികൾ പാടില്ല:മന്ത്രി വി ശിവൻകുട്ടി
- വരുംമണിക്കൂറുകളില് സംസ്ഥാനത്ത് ഇടിമിന്നലോടുകൂടിയ മഴയ്ക്ക് സാധ്യത; ഈ ജില്ലകള്ക്ക് ജാഗ്രതാ നിര്ദേശം
- എസ്എസ്എല്സി പരീക്ഷയുടെ അവസാന ദിവസം സ്കൂളുകള്ക്ക് പോലീസ് കാവല് നില്ക്കും; ഫര്ണിച്ചറുകള് നശിപ്പിച്ചാല് പിടി വീഴും
ഒമ്പതാം ക്ലാസിലെ പരീക്ഷ കഴിയുന്നതിന് മുമ്പ് പത്താം ക്ലാസിലെ പാഠപുസ്തകങ്ങള് വിദ്യാര്ത്ഥികളിലേയ്ക്ക്
കേരള പൊതുവിദ്യാഭ്യാസ ചരിത്രത്തില് ആദ്യമായി ഒമ്പതാം ക്ലാസിലെ പരീക്ഷ കഴിയുന്നതിന് മുമ്പ് പത്താം ക്ലാസിലെ പാഠപുസ്തകങ്ങള് വിദ്യാര്ത്ഥികളിലേയ്ക്ക്. പരിഷ്കരിച്ച പത്താം ക്ലാസ് പാഠപുസ്തകങ്ങളുടെ പ്രകാശനം മുഖ്യമന്ത്രി പിണറായി വിജയന് തിരുവനന്തപുരത്ത് നിയമസഭയിലെ ചേീബറില് ഒമ്പതാം ക്ലാസ് വിദ്യാര്ത്ഥികള്ക്ക് നല്കി നിര്വഹിച്ചു.
സ്ഥാനത്തെ പ്രീപ്രൈമറി മുതല് ഹയര്സെക്കന്ഡറിതലം വരെയുളള പാഠ്യപദ്ധതി പരിഷ്കരണ പ്രവര്ത്തനങ്ങള് എസ്.സി.ഇ.ആര്.ടി.യുടെ നേതൃത്വത്തില് പുരോഗമിച്ചുവരികയാണ്. ആദ്യഘട്ടത്തില് ഒന്നു മുതല് പത്താം ക്ലാസ് വരെയുള്ള പാഠപുസ്തകങ്ങളുടെ പരിഷ്കരണം പൂര്ത്തീകരിച്ചു. ഹയര്സെക്കന്ഡറി പാഠപുസ്തകങ്ങളുടെ പരിഷ്കരണം അടുത്ത വര്ഷം നടക്കും.
ജനകീയ, വിദ്യാര്ത്ഥി ചര്ച്ചകളുടെ ഭാഗമായി സ്കൂള് വിദ്യാഭ്യാസം, പ്രീപ്രൈമറി വിദ്യാഭ്യാസം, മുതിര്ന്നവരുടെ വിദ്യാഭ്യാസം, അധ്യാപക വിദ്യാഭ്യാസം, എന്നീ നാല് മേഖലകളിലായി പാഠ്യപദ്ധതി ചട്ടക്കൂടുകള് വികസിപ്പിച്ചതിന്റെ അടിസ്ഥാനത്തിലാണ് ഇപ്പോള് പാഠപുസ്തകങ്ങള് വികസിപ്പിക്കുന്നത്. കഴിഞ്ഞ വര്ഷം 1, 3, 5, 7, 9 ക്ലാസുകളില് മലയാളം, ഇംഗ്ലീഷ്, തമിഴ്, കന്നഡ ഭാഷകളിലായി 238 ടൈറ്റില് പാഠപുസ്തകങ്ങള് തയ്യാറാക്കുകയും സമയബന്ധിതമായി വിതരണം പൂര്ത്തീകരിക്കുകയും ചെയ്തു. ഈ വര്ഷം 2, 4, 6, 8, 10 ക്ലാസുകളിലെ 205 ടൈറ്റില് പാഠപുസ്തകങ്ങള് പരിഷ്കരിച്ചു. അതില് പത്താം ക്ലാസിന്റെ പ്രാധാന്യം ഉള്ക്കൊണ്ടുകൊണ്ട്അച്ചടി വേഗത്തില് പൂര്ത്തീകരിക്കുകയും വിതരണത്തിന് തയ്യാറാക്കുകയും ചെയ്തു.
