അനുബന്ധ വാര്ത്തകള്
- മന്ത്രിമാര് നേരിട്ടെത്തും; ജനങ്ങളുടെ പരാതികള് പരിഹരിക്കാന് താലൂക്കുതല അദാലത്ത് ഡിസംബറില്
- ക്ലിനിക്കാൽ ചികിത്സ തേടി എത്തിയ യുവതിയെ പീഡിപ്പിച്ച അക്യൂപങ്ച്ചർ തെറാപ്പിസ്റ്റ് അറസ്റ്റിൽ
- ചൈനയില് മണിക്കൂറില് 650 കിലോമീറ്റര് വേഗത്തില് ട്രെയിനുകള് ഓടുന്നു; ഇവിടെ കുറ്റി ഊരുന്നുവെന്ന് സജി ചെറിയാന്
- ഇനി പെറ്റികളുടെ കാലം, എഐ കാമറകള് പണി തുടങ്ങി; കെല്ട്രോണിന് മോട്ടോര് വാഹന വകുപ്പ് നല്കാനുണ്ടായിരുന്ന കുടിശ്ശിക തീര്ത്തു
- അദാനിയെ ഇന്നുതന്നെ അറസ്റ്റ് ചെയ്യണം, സംരക്ഷണം നല്കുന്നത് പ്രധാനമന്ത്രി: രാഹുല് ഗാന്ധി
എളുപ്പപണി വേണ്ട; വിദ്യാര്ഥികള്ക്ക് പഠന കാര്യങ്ങള് വാട്സ്ആപ്പിലൂടെ നല്കരുതെന്ന് പൊതുവിദ്യാഭ്യാസ വകുപ്പ്
കോവിഡ് കാലത്ത് ഓണ്ലൈന് പഠനമായിരുന്നെങ്കിലും നിലവില് സ്കൂളുകളില് നേരിട്ടാണ് ക്ലാസ് നടക്കുന്നത്
ഹയര് സെക്കന്ഡറി വിദ്യാര്ഥികള്ക്ക് നോട്ട്സ് ഉള്പ്പെടെയുള്ള പഠന കാര്യങ്ങള് വാട്സ്ആപ്പ് പോലുള്ള സാമൂഹിക മാധ്യമങ്ങളിലൂടെ നല്കുന്നത് പൊതുവിദ്യാഭ്യാസ വകുപ്പ് വിലക്കി. ബാലാവകാശ കമ്മീഷന്റെ ഇടപെടലിനെ തുടര്ന്നാണ് നടപടി. കുട്ടികള്ക്ക് നേരിട്ട് ക്ലാസില് ലഭിക്കേണ്ട പഠനാനുഭവങ്ങള് നഷ്ടമാക്കുന്നത് പൂര്ണമായി ഒഴിവാക്കണം. ഇക്കാര്യങ്ങള് ഉറപ്പാക്കുന്നതിനു ബന്ധപ്പെട്ട അധികാരികള് സ്കൂളുകളില് ഇടവിട്ട് സന്ദര്ശനം നടത്തി നിരീക്ഷണം ശക്തമാക്കണമെന്ന് സര്ക്കുലറില് പറയുന്നു.
കോവിഡ് കാലത്ത് ഓണ്ലൈന് പഠനമായിരുന്നെങ്കിലും നിലവില് സ്കൂളുകളില് നേരിട്ടാണ് ക്ലാസ് നടക്കുന്നത്. കുട്ടികള്ക്കു പഠനകാര്യങ്ങള് ഓര്ത്തിരിക്കാനും ശരിയായി മനസിലാക്കാനും നോട്ട്സ് ഉള്പ്പെടെ സമൂഹമാധ്യമങ്ങളിലൂടെ നല്കുന്ന രീതി ഗുണകരമാകില്ലെന്നും സര്ക്കുലറില് ഉണ്ട്.
പഠന കാര്യങ്ങള് സാമൂഹികമാധ്യമങ്ങളിലൂടെ നല്കുന്ന രീതി കുട്ടികള്ക്ക് അമിത ഭാരവും പ്രിന്റ് എടുത്ത് പഠിക്കുമ്പോള് സാമ്പത്തിക ബുദ്ധിമുട്ടും വരുത്തുന്നതായി ബാലാവകാശ കമ്മീഷനു രക്ഷിതാക്കള് പരാതി നല്കിയിരുന്നു. ബാലാവകാശ കമ്മീഷന് അംഗം എന്.സുനന്ദ ഇക്കാര്യങ്ങള് വിശദീകരിച്ച് നോട്ടീസ് നല്കിയതിനു പിന്നാലെയാണ് വിദ്യാഭ്യാസ വകുപ്പ് സര്ക്കുലര് പുറത്തിറക്കിയത്.
