അനുബന്ധ വാര്ത്തകള്
- എറണാകുളത്ത് ചെമ്മീന് കറി കഴിച്ചതിന് പിന്നാലെ ശാരീരിക അസ്വസ്ഥത ഉണ്ടായ യുവാവ് മരിച്ചു
- തിരുവനന്തപുരത്ത് മഴ ശക്തം: അരുവിക്കര ഡാമിന്റെ ഷട്ടറുകള് ഉയര്ത്തും
- ശബരിമല മിഥുനമാസപൂജ: കെഎസ്ആര്ടിസി പ്രത്യേക സര്വ്വീസുകള് ഇങ്ങനെ
- അയല്വാസിയുടെ വീട്ടിലുണ്ടായ വഴക്ക് പരിഹരിക്കാന് എത്തിയ 60കാരന് കുഴഞ്ഞുവീണ് മരിച്ചു; മരണം ആന്ജിയോപ്ലാസ്റ്റി കഴിഞ്ഞ് വിശ്രമത്തിലിരിക്കെ
- സംസ്ഥാനത്ത് ഇന്നും മിതമായ മഴയ്ക്ക് സാധ്യത; രണ്ടു ജില്ലകളില് യെല്ലോ അലര്ട്ട്
ഡിഎല്എഫ് ഫ്ളാറ്റില് താമസിക്കുന്നവര്ക്ക് വയറിളക്കവും ഛര്ദിലും: ഗൗരവ വിഷയം, ശക്തമായ നടപടിയുണ്ടാകുമെന്ന് മന്ത്രി വീണാ ജോര്ജ്
കൊച്ചി കാക്കനാട് ഡിഎല്എഫ് ഫ്ളാറ്റില് താമസിക്കുന്നവര്ക്ക് വയറിളക്കവും ഛര്ദിലും ഉണ്ടായ സാഹചര്യം ഗൗരവമുള്ള വിഷയമാണെന്നും ശക്തമായ നടപടിയുണ്ടാകുമെന്നും ആരോഗ്യ വകുപ്പ് മന്ത്രി വീണാ ജോര്ജ്. പൊതുജനാരോഗ്യ സംരക്ഷണ നിയമ പ്രകാരം തുടര്നടപടികള് സ്വീകരിക്കുന്നതാണ്. ഇന്നലെയാണ് ഫ്ളാറ്റിലെ ഒരാള് നേരിട്ട് ഫോണില് വിളിച്ച് ഇക്കാര്യം അറിയിച്ചത്. ഉടന് തന്നെ ആരോഗ്യ വകുപ്പ് ഡയറക്ടറെ വിളിച്ച് അടിയന്തരമായി ഇടപെടാന് നിര്ദേശം നല്കി.
ആരോഗ്യ വകുപ്പിന്റെ പ്രത്യേക സംഘം സ്ഥലത്തെത്തി തുടര് നടപടികള് സ്വീകരിച്ചു. ഫ്ളാറ്റിലെ കുടിവെള്ളത്തിന്റെ എല്ലാ സ്രോതസുകളും പരിശോധിക്കും. രോഗബാധിതരായ വ്യക്തികള് പല ആശുപത്രികളില് ചികിത്സ തേടിയത് കൊണ്ടായിരിക്കാം ഈ വിഷയം ആരോഗ്യ വകുപ്പിന്റെ ശ്രദ്ധയില്പ്പെടാത്തത്. അക്കാര്യവും അന്വേഷിക്കുന്നതാണ്. പ്രദേശത്ത് ബോധവത്ക്കരണം ശക്തിപ്പെടുത്തും. തിളപ്പിച്ചാറ്റിയ വെള്ളം മാത്രമേ കുടിക്കാന് പാടുള്ളൂ എന്നും മന്ത്രി അഭ്യര്ത്ഥിച്ചു.
