കോഴിക്കോട് നോർത്തിൽ സംവിധായകൻ രഞ്ജിത്ത് എൽഡിഎഫ് സ്ഥാനാർത്ഥിയാകും

അഭിറാം മനോഹർ| Last Updated: തിങ്കള്‍, 1 മാര്‍ച്ച് 2021 (18:09 IST)
സംവിധായകനും നടനുമായ രഞ്ജിത്ത് കോഴിക്കോ‌ട് നോർത്തിൽ എൽഡിഎഫ് സ്ഥാനാർത്ഥിയായി മത്സരിക്കും. മൂന്ന് ടേം പൂർത്തിയാക്കിയ എംഎൽഎ എ പ്രദീപ് കുമാറിന് പകരമായാണ് രഞ്ജിത്തിനെ മത്സരിപ്പിക്കുന്നത്.

ഇടത് അനുഭാവിയാണെങ്കിലും തിരെഞ്ഞെടുപ്പിൽ മത്സരിക്കില്ല എന്നായിരുന്നു നേരത്തെ രഞ്ജിത്ത് പറഞ്ഞിരുന്നത്. സിപിഎമ്മുമായി നല്ല ബന്ധം പുലർത്തുന്ന രഞ്ജിത്ത് മൽസരിക്കാൻ തയ്യാറാണെന്ന് സിപിഎം നേതാക്കളെ അറിയിച്ചു. കോഴിക്കോട് നഗരത്തിൽ തന്നെയാണ് രണ്ട് പതിറ്റാണ്ടിലേറെയായി രഞ്ജിത്ത് താമസിക്കുന്നത്. 3 ടേം വിജയിച്ചവരെ സ്ഥാനാർത്ഥികളാക്കേണ്ടതില്ല എന്ന പാർട്ടി തീരുമാനത്തിന്റെ പുറത്താണ് രഞ്ജിത്തിന് നറുക്ക് വീണിരിക്കുന്നത്.

കെഎസ്‍യു പ്രസിഡണ്ട് കെ എം അഭിജിത്ത്, വിദ്യാ ബാലകൃഷ്ണൻ എന്നിവരെയാണ് കോഴിക്കോട് നോർത്തിൽ യുഡിഎഫ് പരിഗണത്. എംടി രമേശ് ആയിരിക്കും ബിജെപി സ്ഥാനാർത്ഥി.



ഇതിനെക്കുറിച്ച് കൂടുതല്‍ വായിക്കുക :