അനുബന്ധ വാര്ത്തകള്
- മലമൂത്ര വിസർജനത്തിനിടെ ദളിത് യുവാവിനെ ആള്ക്കൂട്ടം തല്ലിക്കൊന്നു; സഹോദരിക്കും മര്ദ്ദനം, ആറ് മാസം പ്രായമായ കുഞ്ഞിനും പരിക്ക്!
- ജോലിത്തിരക്ക് കാരണം വിവാഹം കഴിക്കാൻ സമയമില്ല; ഡ്യൂട്ടിക്കിടെ വിവാഹിതരായി ഐഎഎസ് ഉദ്യോഗസ്ഥർ
- അരഞ്ഞാണം മോഷ്ടിച്ചത് വീട്ടുകാർ പിടിച്ചു, ഒടുവിൽ കുഞ്ഞിനെ കൊന്ന് പക വീട്ടി; കോടതിയിൽ നിരപരാധിയെന്ന് ചമഞ്ഞ് ഷൈലജ
- മണിക്കൂറുകളോളം ഫോണില് സംസാരം; ഭാര്യയ്ക്ക് അവിഹിത ബന്ധമെന്ന് സംശയം;ഭര്ത്താവ് ഗ്യാസ് സിലിണ്ടര് കൊണ്ട് തലയ്ക്കടിച്ച് കൊലപ്പെടുത്തി
- പ്രണയം എതിർത്തു; വനിതാ പൊലീസുകാരിയെ പ്രായപൂര്ത്തിയാകാത്ത മകളും കാമുകനും ചേര്ന്ന് കൊലപ്പെടുത്തി
സ്വന്തം മകനെ കാമുകൻ മർദ്ദിക്കുന്നത് കണ്ടിട്ടും എതിർക്കാതെ മോനിഷ, അമ്പലപ്പുഴയിൽ മർദ്ദനമേറ്റ കുട്ടിക്ക് ഗുരുതരം
അമ്പലപ്പുഴയിൽ മൂന്ന് വയസുകാരൻ രണ്ടാനച്ഛന്റെ മർദ്ദനമേറ്റ് ഗുരുതരാവസ്ഥയിലായ സംഭവത്തിൽ വെളിപ്പെടുത്തലുമായി പൊലീസ്. അതീവ ഗുരുതരാവസ്ഥയിലായ കുട്ടി ഐസിയുവിൽ കഴിയുകയാണ്. കുട്ടിയുടെ ശരീരത്തിലും മുഖത്തും കാലിലും ഗുരുതര പരിക്കേറ്റിട്ടുണ്ട്.
അമ്മയും അവര് പരിചയപ്പെട്ട യുവാവും ഒന്നിച്ചു താമസം തുടങ്ങിയതോടെ കുട്ടിയുടെ ജീവിതം ദുരിതപൂർണമാവുമയായിരുന്നു. യുവാവ് കുട്ടിയെ മര്ദിക്കുന്നതിനു അവന്റെ അമ്മ സാക്ഷിയായിരുന്നതായി പൊലീസ് പറയുന്നു. പതിവായി കുട്ടിയെ മര്ദിക്കുന്നതില്നിന്നു യുവതി അയാളെ വിലക്കിയതുമില്ല.
മൂന്നുമാസമായി വൈശാഖുമായി ഒരുമിച്ചുകഴിയുന്ന മോനിഷ പത്തനംതിട്ട സ്വദേശിയായ ആദ്യഭര്ത്താവിനെ ഉപേക്ഷിച്ചിരുന്നു. ഈ ബന്ധത്തില് രണ്ടുകുട്ടികളുണ്ട്. പിന്നീട് ആറുവര്ഷം മുമ്പ് നീര്ക്കുന്നം സ്വദേശിയായ ബിജുവിനെ വിവാഹംചെയ്തു. ഈ വിവാഹത്തിലുള്ള കുഞ്ഞിനെയാണ് തല്ലിച്ചതച്ചത്. കഴിഞ്ഞ ദിവസവും മര്ദ്ദനം ഉണ്ടായപ്പോഴാണ് അയല്വാസികള് വൈശാഖിനെ തടഞ്ഞത്.
പകലും രാത്രിയും ആ വീട്ടില്നിന്നു കുട്ടിയുടെ കരച്ചില് കേട്ടിരുന്നതായി അയല്വാസികള് പറയുന്നു.
ഒരുമാസം പഴക്കമുള്ള പാടുകള് കുട്ടിയുടെ ശരീരത്തിലുണ്ടെന്ന് പൊലീസ് പറഞ്ഞു. പതിവായി മദ്യപിക്കുന്ന വൈശാഖിന്റെ ഉപദ്രവം സഹിക്കാതെ ഭാര്യയും കുട്ടിയും ഇയാളെ ഉപേക്ഷിച്ച് പോയിരുന്നു. പിന്നീടാണ് ഇയാള് മോനിഷയ്ക്കുമൊപ്പം താമസമാരംഭിച്ചത്.
