എറണാകുളത്ത് കാലടിയില്‍ സിപിഎം-സിപിഐ സംഘര്‍ഷത്തില്‍ രണ്ടുപേര്‍ക്ക് വെട്ടേറ്റു. ഇന്നലെ രാത്രിയാണ് സംഘര്‍ഷം ഉണ്ടായത്. രണ്ടു സിപിഐ പ്രവര്‍ത്തകര്‍ക്കാണ് വെട്ടേറ്റത്. ഡിവൈഎഫ് ഐ നേതാവിന്റെ നേതൃത്വത്തിലാണ് ആക്രമമെന്ന് സിപി ഐ ആരോപിച്ചു. കാലടി സ്വദേശികളായ സേവ്യര്‍, ക്രിസ്റ്റീന്‍ ബേബി എന്നിവര്‍ക്കാണ് പരിക്കേറ്റത്. ഇരുവിഭാഗത്തിലുള്ളവരും ക്രിമിനല്‍ കേസുകളിലെ പ്രതികളാണെന്ന് പൊലീസ് പറയുന്നു.

ഒരുമാസം മുന്‍പ് സിപിഎമ്മില്‍ നിന്ന് 40തോളം പേര്‍ സിപി ഐയിലേക്ക് മാറിയിരുന്നു. ഇതാണ് സംഘര്‍ഷത്തിന്റെ മൂലകാരണം. സംഘര്‍ഷത്തില്‍ പരിക്കേറ്റവരെ തൃശൂര്‍ മെഡിക്കല്‍ കോളേജിലേക്ക് മാറ്റി.