അനുബന്ധ വാര്ത്തകള്
- യുപിഎസ്സി സിവിൽ സർവീസ് പരീക്ഷാ തീയതി ജൂൺ അഞ്ചിന് ശേഷം പ്രഖ്യാപിക്കും
- ബസുകള്ക്ക് സംരക്ഷണം ഉറപ്പുവരുത്തും; സ്വകാര്യ ബസുകള് തകര്ത്ത സംഭവത്തില് അന്വേഷണം തുടങ്ങിയതായി ഗതാഗത മന്ത്രി
- ഹോം ക്വാറന്റൈൻ ലംഘിച്ച് ആളുകൾ, നാല് ദിവസത്തിനിടെ സംസ്ഥാനത്ത് രജിസ്റ്റർ ചെയ്തത് 121 കേസുകൾ
- കൊറോണ പ്രതിരോധം: മോഹന്ലാലിന്റെ വിശ്വശാന്തി ഫൗണ്ടേഷന് ധാരാവിയിലും അന്ധേരിയിലും പിപിഇ കിറ്റുകള് വിതരണം ചെയ്തു
- സ്പ്രിംഗ്ലറിനെ ഒഴിവാക്കി, കൊവിഡ് ഡാറ്റ ഇനി സി ഡിറ്റ് കൈകാര്യം ചെയ്യുമെന്ന് സർക്കാർ ഹൈക്കോടതിയിൽ
സംസ്ഥാനത്ത് ഇന്ന് 24 പേർക്ക് കൊവിഡ്: എട്ട് പേർക്ക് രോഗമുക്തി
സംസ്ഥാനത്ത് ഇന്ന് 24 പേർക്ക് കൊവിഡ് സ്ഥിരീകരിച്ചു.മലപ്പുറത്ത് നിന്നും അഞ്ചുപേർക്കും കണ്ണൂരിൽ നിന്നും നാലുപേർക്കും കോട്ടയം,തൃശൂര് ജില്ലകളില് നിന്നുള്ള മൂന്നു പേര്ക്ക് വീതവും തിരുവനന്തപുരം,കൊല്ലം, ആലപ്പുഴ ജില്ലകളില്നിന്ന് രണ്ടുപേര്ക്കും ഇടുക്കി, പാലക്കാട്, കാസര്കോട് ജില്ലകളില് ഓരോരുത്തര്ക്കുമാണ് രോഗം സ്ഥിരീകരിച്ചത്.അതേ സമയം എട്ട് പേരുടെ പരിശോധനാ ഫലം നെഗറ്റീവായി.
ഇന്ന് രോഗം സ്ഥിരീകരിച്ചവരിൽ 14 പേർ വിദേശത്ത് നിന്നും വന്നവരാണ്. പത്ത് പേർ അന്യസംസ്ഥാനങ്ങളിൽ നിന്ന് നാട്ടിലെത്തിയവരാണ് (മഹാരാഷ്ട്ര-5, തമിഴ്നാട്-3, ഗുജറാത്ത്-1, ആന്ധ്രപ്രദേശ്-1). വയനാട് ജില്ലയിൽ നിന്നും അഞ്ച് പേരും കോട്ടയം,എറണാകുളം,കോഴിക്കോട് ജില്ലകളിൽ നിന്നും ഓരോ ആളുകളുടെയും പരിശോധനാഫലമാണ് നെഗറ്റീവായത്. നിലവിൽ സംസ്ഥാനത്ത് 177 പേർ ചികിത്സയിലാണ്.510 പേർ രോഗമുക്തരായി.
സംസ്ഥാനത്തെ വിവിധജില്ലകളിലായി 80,138 പേര് നിരീക്ഷണത്തിലാണ്. ഇവരില് 79,611 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 527 പേർ ആശുപത്രികളിലും നിരീക്ഷണത്തിലാണ്. 154 പേരെ ഇന്ന് ആശുപത്രിയിൽ പ്രവേശിപ്പിച്ചു.
