അനുബന്ധ വാര്ത്തകള്
- തിരുവനന്തപുരത്ത് ദുരിതാശ്വാസ ക്യാമ്പിൽ 21 പേർക്ക് കൊവിഡ് സ്ഥിരീകരിച്ചു
- തിരുവനന്തപുരം പൂജപ്പുര സെന്ട്രല് ജയിലിലെ 59 തടവുകാര്ക്ക് കൊവിഡ്
- ഐപിഎല്ലിന് മുന്നോടിയായി ധോണി കൊവിഡ് ടെസ്റ്റിന് വിധേയനായി ഫലമറിയാൻ ആരാധകരുടെ കാത്തിരിപ്പ്
- അയോധ്യയിൽ പ്രധാനമന്ത്രിയ്ക്കൊപ്പം വേദിപങ്കിട്ട മഹന്ത് നൃത്യ ഗോപാൽ ദാസിന് കൊവിഡ്
- കവിയും ഗാനരചയിതാവുമായ ചുനക്കര രാമൻകുട്ടി അന്തരിച്ചു
റെക്കോർഡ് രോഗികൾ, സംസ്ഥനത്ത് ഇന്ന് കൊവിഡ് സ്ഥിരീകരിച്ചത് 1564 പേർക്ക്, 1380 പേർക്ക് സമ്പർക്കം വഴി
സംസ്ഥാനത്ത് ഇന്ന് 1564 പേര്ക്ക് കോവിഡ് 19 സ്ഥിരീകരിച്ചു. 766 പേര്ക്ക് ഇന്ന് രോഗമുക്തി ഉണ്ടായി. ഇന്ന് 1380 പേര്ക്കാണ് സമ്പര്ക്കത്തിലൂടെ രോഗം ബാധിച്ചത്. അതില് ഉറവിടമറിയാത്തത് 98. വിദേശത്തുനിന്ന് 60 പേര്. മറ്റു സംസ്ഥാനങ്ങളില്നിന്ന് 100 പേര്.15 ഹെല്ത്ത് വര്ക്കര്മാര്ക്കും ഇന്ന് കൊവിഡ് സ്ഥിരീകരിച്ചിട്ടുണ്ട്.
അതേസമയം ഇന്ന് സംസ്ഥാനത്ത് 3 കൊവിഡ് മരണങ്ങളും റിപ്പോർട്ട് ചെയ്തു. ആഗസ്റ്റ് 7ന് മരണമടഞ്ഞ തിരുവനന്തപുരം മുക്കോല സ്വദേശിനി ലിസി സാജന് (55), ആഗസ്റ്റ് 8ന് മരണമടഞ്ഞ കോഴിക്കോട് രാമനാട്ടുകര സ്വദേശി രാധാകൃഷ്ണന് (80), ആഗസ്റ്റ് 10ന് മരണമടഞ്ഞ മലപ്പുറം സ്വദേശി അബ്ദുള് റഹ്മാന് (63) എന്നിവരുടെ പരിശോധനാഫലം കോവിഡ്-19 മൂലമാണെന്ന് എന്ഐവി ആലപ്പുഴ സ്ഥിരീകരിച്ചു. ഇവരുടെ മരണത്തിൽ അനുശോചനം രേഖപ്പെടുത്തുന്നു.
പോസിറ്റീവായവരുടെ ജില്ല തിരിച്ചുള്ള കണക്ക് :
തിരുവനന്തപുരം 434, മലപ്പുറം 202, പാലക്കാട് 202, എറണാകുളം 115, കോഴിക്കോട് 98, കാസർഗോഡ് 79, പത്തനംതിട്ട 75, തൃശൂർ 75, കൊല്ലം 74, ആലപ്പുഴ 72, കോട്ടയം 53, ഇടുക്കി 31, കണ്ണൂര് 27, വയനാട് 27.
നെഗറ്റീവായവരുടെ ജില്ല തിരിച്ചുള്ള കണക്ക് :
തിരുവനന്തപുരം197, എറണാകുളം 109, കൊല്ലം 73, ആലപ്പുഴ 70, പാലക്കാട് 67, മലപ്പുറം 61, തൃശൂർ 47, വയനാട് 30, കാസർഗോഡ് 28, കണ്ണൂർ 25, ഇടുക്കി 22, കോട്ടയം 17, കോഴിക്കോട് 12, പത്തനംതിട്ട 8.
കഴിഞ്ഞ 24 മണിക്കൂറിനകം 31, 270 സാമ്പിളുകള് പരിശോധിച്ചു. 1,53,061 പേരാണ് നിരീക്ഷണത്തിലുള്ളത്. 12,683 പേര് ആശുപത്രികളില്. ഇന്നു മാത്രം പേരെ 1670 ആശുപത്രിയില് പ്രവേശിപ്പിച്ചു.
ഇതുവരെ ആകെ 10,87,722 സാമ്പിളുകളാണ് പരിശോധനയ്ക്കായി അയച്ചത്. ഇതില് 5999 സാമ്പിളുകളുടെ ഫലം വരാനുണ്ട്. ഇതുകൂടാതെ സെന്റിനല് സര്വൈലന്സിന്റെ ഭാഗമായി മുന്ഗണനാ ഗ്രൂപ്പുകളില് നിന്ന് 1,43,085 സാമ്പിളുകള് ശേഖരിച്ചതില് 1193 സാമ്പിളുകള് റിസള്ട്ട് വരാനുണ്ട്. സംസ്ഥാനത്തെ ഹോട്ട്സ്പോട്ടുകളുടെ എണ്ണം 544 ആയി.
