അനുബന്ധ വാര്ത്തകള്
- മദ്യലഹരിയിൽ വെട്ടുകത്തിയുമായി യുവതി റോഡിൽ; പൊലീസിനെ വെട്ടിലാക്കിയത് 12 മണിക്കൂർ
- ‘ബാഷയിലെ രജനിയല്ല ഞാന്, അതിനാല് ഒറ്റയ്ക്ക് നില്ക്കാനുമാകില്ല’; എഎം ആരിഫ്
- തിരുവല്ലം സ്റ്റേഷനില് മര്ദനത്തെത്തുടര്ന്ന് ഇറങ്ങിയോടിയ യുവാവിനെ അര്ധ നഗ്നനാക്കി പൊതുജനമധ്യത്തില് പൊലീസ് ക്രൂരമായി മര്ദ്ദിച്ചു; തടയാനെത്തിയ ഭാര്യയെ മുട്ട് കാലിന് തൊഴിച്ചു: വീഡിയോ
- വിയ്യൂര് സെന്ട്രല് ജയിലില് തടവുകാര്ക്കായി ഒരുങ്ങുന്നത് ഒന്നരക്കോടിയുടെ ഹൈടെക് അടുക്കള
- സേനയിൽനിന്നും വിരമിച്ച നായ്ക്കൾക്കായി വിശാലമായ വിശ്രമകേന്ദ്രം ഒരുക്കി കേരളാ പൊലീസ് !
പന്നിക്ക് നൽകാൻ വെച്ച പഫ്സ് ചൂടാക്കി വിൽപ്പന; കട പൂട്ടിച്ച് നാട്ടുകാർ
റൊട്ടി നിർമ്മാണ കേന്ദ്രമായ ബോർമയിൽ നിന്നും വാങ്ങിയ പഫ്സ് കഴിച്ച് ആറു വയസ്സുകാരന് ഛർദ്ദിൽ ഉൾപ്പെടെയുള്ള ശാരീരിക പ്രശ്നങ്ങൾ ഉടലെടുത്തതോടെയാണ് സംഭവം പുറത്തറിയുന്നത്.
പന്നിക്ക് നൽകാനായി വെച്ചിരുന്ന പഫ്സ് വിൽപ്പന നടത്തിയ കടയ്ക്കെതിരെ നാട്ടുകാരുടെ പ്രതിഷേധം. റൊട്ടി നിർമ്മാണ കേന്ദ്രമായ ബോർമയിൽ നിന്നും വാങ്ങിയ പഫ്സ് കഴിച്ച് ആറു വയസ്സുകാരന് ഛർദ്ദിൽ ഉൾപ്പെടെയുള്ള ശാരീരിക പ്രശ്നങ്ങൾ ഉടലെടുത്തതോടെയാണ് സംഭവം പുറത്തറിയുന്നത്.
പന്നി വളർത്തുകാർക്ക് നൽകുന്നതിനായി മാറ്റിവെച്ച പഴകിയ ഭക്ഷണ പദാർഥങ്ങളുടെ കൂട്ടത്തിലെ പഫ്സ് ഇതര സംസ്ഥാന ജീവനക്കാർ വിൽപ്പനയ്ക്ക് വയ്ക്കുകയായിരുന്നു എന്നാണ് കടയുടമയുടെ വാദം. ഇവിടെ നിന്ന് വാങ്ങിയ പഫ്സ് കഴിച്ചതിനു ശേഷം കുട്ടിക്ക് ആരോഗ്യപ്രശ്നങ്ങൾ ഉടലെടുത്തതോടെ ബാക്കി പഫ്സുമായി കുട്ടിയുടെ പിതാവ് കടയിൽ വന്ന് ബഹളം വച്ചു.
പിന്നാലെ ഇവിടെ നിന്നും വാങ്ങിയ പഫ്സുമായി കൂടുതൽ പേർ കടയുടെ മുന്നിലേക്കെത്തി. ഇത് സംഘർഷത്തിനിടയാക്കി. പൊലീസ് എത്തിയതാണ് സ്ഥിതിഗതികൾ നിയന്ത്രിച്ചത്. എന്നാൽ ജില്ലാ ഭരണകൂടത്തെയും, ആരോഗ്യവിഭാഗത്തെയും വിവരം അറിയിച്ചിട്ടും ഇവരാരും പരിശോധനയ്ക്ക് എത്തിയില്ലെന്ന് നാട്ടുകാർ ആരോപിക്കുന്നു. നാട്ടുകാരുടെ പ്രതിഷേധത്തോടെ കട പൂട്ടി.
