അനുബന്ധ വാര്ത്തകള്
- Red Alert: സംസ്ഥാനത്ത് അതിതീവ്ര മഴ മുന്നറിയിപ്പ്; ജാഗ്രത തുടരണം
- Kerala Weather, Rain Holiday: കനത്ത മഴയെ തുടര്ന്ന് അവധി പ്രഖ്യാപിച്ച ജില്ലകള്
- പ്ലസ് വൺ മൂന്നാം അലോട്ട്മെന്റ് പ്രവേശനം: ജൂൺ 16, 17 തീയതികളിൽ
- Kerala Rain: തൃശ്ശൂര്,കാസർകോട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി
- കോഴിക്കോട് പെൺവാണിഭം: പ്രതികളായ പോലീസുകാർ മുങ്ങി, വീടുകളിൽ പരിശോധന, പാസ്പോർട്ട് കണ്ടെടുത്തു
Ayyan Kali Death Anniversary: ജൂണ് 18, അയ്യങ്കാളി ചരമദിനം
1863 ഓഗസ്റ്റ് 28 നു ജനിച്ച അയ്യങ്കാളി 1941 ജൂണ് 18 നാണ് അന്തരിച്ചത്. മരിക്കുമ്പോള് 77 വയസ്സായിരുന്നു
Ayyan Kali
Ayyan Kali Death Anniversary: ഇന്ന് ജൂണ് 18, ദളിത് പോരാട്ടങ്ങള്ക്കു ചുക്കാന് പിടിച്ച നവോത്ഥാന നായകന് അയ്യങ്കാളിയുടെ ചരമദിനം (Ayyan Kali Death Anniversary). 1863 ഓഗസ്റ്റ് 28 നു ജനിച്ച അയ്യങ്കാളി 1941 ജൂണ് 18 നാണ് അന്തരിച്ചത്. മരിക്കുമ്പോള് 77 വയസ്സായിരുന്നു.
തിരുവനന്തപുരത്തെ വെങ്ങാനൂരിലാണ് അയ്യങ്കാളി ജനിച്ചത്. പുലയ സമുദായക്കാരനായ അദ്ദേഹം സംഘാടനവും ശക്തിപ്രകടനവും വഴി സഞ്ചാരസ്വാതന്ത്ര്യം പിടിച്ചെടുത്ത് ശ്രദ്ധേയനായി. 1905 ല് സാധുജന പരിപാലനയോഗം രൂപീകരിച്ചതോടെ ഹരിജനങ്ങളുടെ അനിഷേധ്യ നേതാവായിത്തീര്ന്നു.
തിരുവിതാംകൂറില് കര്ഷക തൊഴിലാളികളുടെ ആദ്യത്തെ പണിമുടക്കു സമരം നയിച്ചത് അയ്യങ്കാളിയാണ്. 1910 ല് ശ്രീമൂലം രാജ്യസഭയിലേയ്ക്കു നാമനിര്ദേശം ചെയ്യപ്പെട്ടു. 25 വര്ഷം അംഗത്വം തുടര്ന്നു. ഹരിജന ബാലകര്ക്ക് വിദ്യാലയപ്രവേശനം, സൗജന്യ ഉച്ചഭക്ഷണം, സൗജന്യ നിയമസഹായം എന്നിവയ്ക്കു വേണ്ടി സഭയില് ഫലപ്രദമായി വാദിച്ചു. 1926 ഫെബ്രുവരി 27ലെ പ്രജാസഭാപ്രസംഗം സുപ്രധാനമാണ്.
അയ്യങ്കാളിയില് നിന്നു പ്രചോദനം ഉള്ക്കൊണ്ട അധഃസ്ഥിതരായ സ്ത്രീകള് കല്ലുമാല പൊട്ടിച്ചെറിയാനും മാറു മറയ്ക്കാനും വേണ്ടി നടത്തിയ പ്രക്ഷോഭം കേരള ചരിത്രത്തിന്റെ ഭാഗമാണ്. പുലയരാജാവ് എന്നാണ് ഗാന്ധിജി അദ്ദേഹത്തെ വിശേഷിപ്പിച്ചത്. ക്ഷേത്രപ്രവേശന വിളംബരത്തെ തുടര്ന്ന് കേരളത്തിലെത്തിയ മഹാത്മാഗാന്ധി വെങ്ങാനൂരിലെത്തി അയ്യങ്കാളിയെ സന്ദര്ശിച്ചിരുന്നു.
