Thiruvananthapuram|
രേണുക വേണു|
Last Modified ശനി, 2 ഓഗസ്റ്റ് 2025 (14:34 IST)
Kerala Weather Updates: സംസ്ഥാനത്ത് ചെറിയൊരു ഇടവേളയ്ക്കു ശേഷം കാലവര്ഷം വീണ്ടും ശക്തിപ്പെടുന്നു. പുതുക്കിയ മഴ മുന്നറിയിപ്പ് പ്രകാരം ഏഴ് ജില്ലകളില് ഇന്ന് യെല്ലോ അലര്ട്ട്.
ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകളിലാണ് ഒറ്റപ്പെട്ടയിടങ്ങളില് ശക്തമായ മഴയ്ക്കു സാധ്യതയുള്ള യെല്ലോ അലര്ട്ട് പ്രഖ്യാപിച്ചിരിക്കുന്നത്.
നാളെ (ഓഗസ്റ്റ് 3, ഞായര്) നാലിടത്ത് ഓറഞ്ച് അലര്ട്ട്. ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ് ഒറ്റപ്പെട്ട അതിശക്തമായ മഴയ്ക്കുള്ള മുന്നറിയിപ്പ്. തിരുവനന്തപുരം, കൊല്ലം, പത്തനംതിട്ട, തൃശൂര്, പാലക്കാട് മലപ്പുറം ജില്ലകളില് യെല്ലോ അലര്ട്ട്.
മാന്നാര് കടലിടുക്കിലും തെക്കന് തമിഴ്നാടിനും മുകളിലായി അന്തരീക്ഷത്തിന്റെ
ഉയര്ന്ന ലെവലില് ( 5.8 km) ചക്രവാതചുഴി സ്ഥിതി ചെയ്യുന്നു. ഇതിന്റെ സഞ്ചാരപാതയനുസരിച്ചു ഇനിയുള്ള ദിവസങ്ങളില് കേരളത്തില് പൊതുവെ മഴയില് വര്ധനവ് പ്രതീക്ഷിക്കാം. മലയോര മേഖലയില് കിഴക്കന് കാറ്റിന്റെ സ്വാധീനത്താല് മഴ സാധ്യത കൂടുതല്. ഇടിമിന്നലിനും കാറ്റിനും സാധ്യതയുള്ളതിനാല് ജാഗ്രത പാലിക്കുക.
