അനുബന്ധ വാര്ത്തകള്
- വിഎസ് അച്യുതാനന്ദന്റെ ഭൗതികശരീരം വഹിച്ചുകൊണ്ടുള്ള വിലാപയാത്രയ്ക്ക് കെഎസ്ആര്ടിസി പ്രത്യേക ബസ്; പൊതുജനങ്ങള്ക്ക് ആദരാഞ്ജലികള് അര്പ്പിക്കാം
- VS Achuthanandan: ഓലപ്പുരയില് അമ്മ കത്തിതീര്ന്നു, ജ്വരം പിടിച്ച് അച്ഛനും പോയി; അന്നുമുതല് വിഎസ് 'ദൈവത്തോടു' കലഹിച്ചു
- VS Achuthanandan - Mararikulam: മുഖ്യമന്ത്രിക്കസേര ഉറപ്പിച്ച സമയം, മാരാരിക്കുളം തോല്വിയില് ഞെട്ടല്; നായനാര് വീണ്ടും മുഖ്യമന്ത്രിയായി
- VS Achuthanandan: വി.എസിന്റെ അന്തിമയാത്ര; നേരിട്ടെത്തി ഒരുക്കങ്ങള് വിലയിരുത്തി പിണറായി
- VS Achuthanandan: വിഎസിന്റെ ഭൗതികദേഹം ഇന്ന് ആലപ്പുഴയിലേക്ക്; സംസ്കാരം നാളെ
ആലപ്പുഴയില് നാളെ അവധി; പി.എസ്.സി പരീക്ഷകള് മാറ്റി
തിരുവനന്തപുരത്ത് നിന്ന് വി.എസിന്റെ ഭൗതികദേഹവുമായുള്ള വിലാപയാത്ര ആലപ്പുഴയിലേക്ക് പുറപ്പെട്ടു
VS Achuthanandan Death
അന്തരിച്ച മുന് മുഖ്യമന്ത്രിയും സിപിഎം സ്ഥാപക നേതാവുമായ വി.എസ്.അച്യുതാനന്ദന്റെ നിര്യാണത്തില് അനുശോചിച്ച് നാളെ ആലപ്പുഴ ജില്ലക്ക് അവധി പ്രഖ്യാപിച്ചു. ജില്ലയിലെ വിദ്യാഭ്യാസ സ്ഥാപനങ്ങള്ക്കും സര്ക്കാര് സ്ഥാപനങ്ങള്ക്കും നാളെ അവധി ആയിരിക്കും.
തിരുവനന്തപുരത്ത് നിന്ന് വി.എസിന്റെ ഭൗതികദേഹവുമായുള്ള വിലാപയാത്ര ആലപ്പുഴയിലേക്ക് പുറപ്പെട്ടു. കൊല്ലം വഴി ദേശീയപാതയിലൂടെയാണ് വിലാപയാത്ര കടന്നുപോകുക. ഇതിനിടയിലുള്ള വിവിധ കേന്ദ്രങ്ങളില് പൊതു ദര്ശനം. ഇന്നു രാത്രി ഒന്പതോടെ പുന്നപ്ര പറവൂരിലെ വേലിക്കകത്ത് വീട്ടിലെത്തിക്കും. നാളെ രാവിലെ ഒന്പത് മുതല് സിപിഎം ജില്ലാ കമ്മിറ്റി ഓഫിസിലും 10 മുതല് ആലപ്പുഴ കടപ്പുറത്തെ റിക്രിയേഷന് ഗ്രൗണ്ടിലും പൊതുദര്ശനം. ഉച്ചകഴിഞ്ഞ് മൂന്നിനു വലിയ ചുടുകാട്ടില് ഔദ്യോഗിക ബഹുമതികളോടെ സംസ്കാരം.
അതേസമയംനാളെ (2025 ജൂലൈ 23 ബുധനാഴ്ച) നടത്താനിരുന്ന പിഎസ്സി പരീക്ഷകള് മാറ്റി വെച്ചു. പൊതുമരാമത്ത് / ജലസേചന വകുപ്പുകളിലെ സെക്കന്റ് ഗ്രേഡ് ഓവര്സിയര് / ഡ്രാഫ്റ്റ്സ്മാന് (സിവില്) (നേരിട്ടുള്ള നിയമനം -കാറ്റഗറി നമ്പര് 8/2024), ജലസേചന വകുപ്പിലെ സെക്കന്റ് ഗ്രേഡ് ഓവര്സിയര് / ഡ്രാഫ്റ്റ്സ്മാന് (സിവില്- പട്ടിക വര്ഗ്ഗക്കാര്ക്കു മാത്രം - കാറ്റഗറി നമ്പര് 293/2024), കേരള സംസ്ഥാന പട്ടിക ജാതി / പട്ടിക വര്ഗ്ഗ വികസന കോര്പ്പറേഷനിലെ ട്രേസര്, (നേരിട്ടുള്ള നിയമനം, കാറ്റഗറി നമ്പര് - 736/2024) തസ്തികകളിലേക്കുള്ള പരീക്ഷകളാണ് മാറ്റിവെച്ചത്. പുതുക്കിയ തീയതി പിന്നീട് അറിയിക്കും. അതേസമയം, നാളെ നടത്തുവാന് നിശ്ചയിച്ചിട്ടുള്ള പി.എസ്.സി അഭിമുഖങ്ങള്ക്ക് മാറ്റമില്ല.
