അനുബന്ധ വാര്ത്തകള്
- ഓപ്പറേഷന് സിന്ദൂറിനെ വിമര്ശിച്ച പ്രൊഫസറെ സസ്പെന്ഡ് ചെയ്തു
- India - Pakistan: തുടങ്ങിയിട്ടേ ഉള്ളുവെന്ന് പറഞ്ഞത് വെറുതെയല്ല, ലാഹോറിൽ ആക്രമണം കടുപ്പിച്ച് ഇന്ത്യ
- Breaking News: 'സ്ഥലവും സമയവും നോക്കി തിരിച്ചടിക്കാം'; പാക് സൈന്യത്തിനു പൂര്ണ സ്വാതന്ത്ര്യം?
- സ്ഥിതി വഷളാക്കാൻ ഇന്ത്യ ആഗ്രഹിക്കുന്നില്ല, പ്രകോപിപ്പിച്ചാൽ തിരിച്ചടിക്കും, സർവകക്ഷി യോഗത്തിൽ രാജ് നാഥ് സിങ്ങ്
- ജീവന് സുരക്ഷയില്ല, മിന്നലാക്രമണം ഉണ്ടാകുമോ?, പിഎസ്എല്ലിൽ വന്ന് പെട്ട് വിദേശതാരങ്ങൾ, രാജ്യം വിടാൻ ശ്രമം, പ്രശ്നങ്ങളൊന്നുമില്ലെന്ന് പിസിബി
'ഇന്ത്യയുടെ ദേഹത്ത് ആരെങ്കിലും തൊട്ടാൽ പിന്നെ അവന്റെ വിധിയെഴുതുന്നത് ഇന്ത്യയായിരിക്കും': ജയസൂര്യ
ഓപ്പറേഷൻ സിന്ദൂറിൽ പ്രതികരിച്ച് നടൻ ജയസൂര്യ. ഇന്ത്യയുടെ ദേഹത്ത് ആരെങ്കിലും തൊട്ടാൽ പിന്നെ അവരുടെ വിധിയെഴുതുന്നത് ഇന്ത്യയായിരിക്കുമെന്ന് ജയസൂര്യ പറഞ്ഞു. കൊല്ലം കൊട്ടാരക്കര മഹാദേവ ക്ഷേത്രോത്സവത്തിൽ പങ്കെടുത്ത് സംസാരിക്കുകയായിരുന്നു നടൻ. ജയസൂര്യയുടെ ഹിറ്റ് ചിത്രമായ ആടിന്റെ മൂന്നാം ഭാഗവുമായി ബന്ധപ്പെട്ടുള്ള ആരാധകരുടെ ചോദ്യത്തിനിടെയാണ് നടന്റെ പ്രതികരണം.
ആട് സിനിമയിലെ ഡയലോഗിനോട് സാമ്യപ്പെടുത്തിയായിരുന്നു ജയസൂര്യയുടെ വാക്കുകൾ. 'ആട് സിനിമയിൽ ഒരു ഡയലോഗ് ഉണ്ട്. എന്റെ ദേഹത്തു തൊട്ടാൽ പിന്നെ അവന്റെ വിധി എഴുതുന്നത് പാപ്പനായിരിക്കുമെന്ന്. എന്നു പറഞ്ഞ പോലെ ഇന്ത്യയുടെ ദേഹത്ത് ആരെങ്കിലും തൊട്ടാൽ പിന്നെ അവന്റെ വിധിയെഴുതുന്നത് ഇന്ത്യയായിരിക്കും. അതുപോലെയാണ് കാര്യങ്ങൾ നടന്നുകൊണ്ടിരിക്കുന്നത്. വലിയൊരു ഇന്ത്യ- പാകിസ്ഥാൻ സംഘർഷമാണ് നടന്നുകൊണ്ടിരിക്കുന്നത്. തീർച്ചയായും അതൊക്കെ ഉടൻ തന്നെ പരിഹരിക്കപ്പെടാൻ നമുക്കും പ്രാർഥിക്കാം', ജയസൂര്യ പറഞ്ഞു.
എൻ്റെ രാഷ്ട്രം, എൻ്റെ സൈന്യം, എൻ്റെ അഭിമാനം."ഭീകരതയ്ക്ക് എതിരെ, മാനവികതയ്ക്കൊപ്പം"ജയ്ഹിന്ദ്- എന്നാണ് ഇന്നലെ ഓപ്പറേഷൻ സിന്ദൂറിന്റെ കാർഡിനൊപ്പം ജയസൂര്യ ഇൻസ്റ്റഗ്രാമിൽ കുറിച്ചത്. അതേസമയം കത്തനാർ ആണ് ജയസൂര്യയുടേതായി ഇനി പ്രേക്ഷകരിലേക്കെത്താനുള്ള ചിത്രം. ആട് 3 യുടെ ഷൂട്ടിങ് ഇതുവരെ ആരംഭിച്ചിട്ടില്ല.
