കണ്ണൂരിൽ സഹപാഠി കഞ്ചാവ് നൽകി ശാരീരികമായി പീഡിപ്പിച്ചതായി ഒമ്പതാം ക്ലാസുകാരി. മാതാപിതാക്കളുടെ പരാതിയിൽ പോലീസ് കേസെടുത്തു. സഹപാഠിയെ പോലീസ് അറസ്റ്റ് ചെയ്തു. നിരവധി കുട്ടികൾ ഈ കെണിയിലകപ്പെട്ടിട്ടുണ്ടെന്നാണ് ഒമ്പതാംക്ലാസുകാരിയുടെ വെളിപ്പെടുത്തൽ.

ക്യാരിയർമാരായി സ്കൂൾ വിദ്യാർഥികളെയാണ് ലഹരിമരുന്ന് സംഘം ഉപയോഗിക്കുന്നത്. തന്നെ പോലെ കെണിയിൽ അകപ്പെട്ട 11 പെൺകുട്ടികളെ തനിക്കറിയാമെന്നും അവരിൽ പലരും പീഡിപ്പിക്കപ്പെട്ടിട്ടുണ്ടെന്നും ഒമ്പതാം ക്ലാസുകാരി വ്യക്തമാക്കി. താൻ പുറത്താണ് പഠിച്ചിരുന്നതെന്നും അവിടെ റാങ്കിങ്ങിന് ഇരയായതിൻ്റെ ഡിപ്രഷൻ ഉണ്ടായിരുന്നുവെന്നും പെൺകുട്ടി പറയുന്നു.

ഈ ഡിപ്രഷൻ മാറ്റാനായാണ് സഹപാഠി നിർബന്ധിച്ച് കഞ്ചാവ് തന്നിരുന്നതെന്നും അതിന് ശേഷമാണ് ക്രൂരമായ പീഡനം നടന്നതെന്നും പെൺകുട്ടി വെളിപ്പെടുത്തി. സഹപാഠിക്കൊപ്പം മകൾ കഞ്ചാവ് ഉപയോഗിക്കുന്ന വീഡിയോ ഒരാൾ ഫോണിൽ അയച്ചുതന്നതോടെയാണ് പോലീസിൽ പരാതി നൽകിയതെന്ന് പെൺകുട്ടിയുടെ പിതാവ് പറഞ്ഞു. തുടർന്ന് കൗൺസലിങ് നടത്തിയതോടെയാണ് പീഡനവിവരം പുറത്തായത്.