പനി ബാധിച്ച് ചികിത്സയിലായിരുന്ന സഹോദരങ്ങളായ കുട്ടികൾ ദിവസങ്ങളുടെ വ്യത്യാസത്തിൽ
മരിച്ചു. കാസർകോട് ബദിയെടുക്കയിലാണ് നാടിനെ നടുക്കിയ സംഭവം. കന്യംപാടി സ്വദേശി അബൂബക്കർ സിദ്ധിഖിന്റെ കുട്ടികളാണ് മരിച്ചത്.

എട്ട് മാസം പ്രായമായ സിദ്ധിഖിന്റെ മകള്‍ സിദത്തുൽ മുൻത്തഹ ഇന്നലെ മരിച്ചിരുന്നു. 4 വയസ് പ്രായമായ മകൻ
സിനാന്‍ ഇന്ന് രാവിലെയാണ് മരിച്ചത്. കുട്ടികളുടെ അമ്മയും പനി ബാധിച്ച് ചികിത്സയിലാണ്. ഇവരെ ആരോഗ്യ വകുപ്പ് നിരീക്ഷിക്കുന്നുണ്ട്. മൂവര്‍ക്കും എന്ത് തരം പനിയാണ് ബാധിച്ചതെന്ന് സ്ഥിരീകരിച്ചിട്ടില്ല.