വീട്ടില്‍ ഒളിഞ്ഞ് നോക്കിയത് ചോദ്യം ചെയ്ത യുവാക്കള്‍ക്ക് മര്ദ്ദനം
തൃക്കരിപ്പൂര്|
WEBDUNIA|
Last Modified ചൊവ്വ, 14 ഫെബ്രുവരി 2012 (16:58 IST)
വീട്ടില്‍ ഒളിഞ്ഞ് നോക്കുന്നത് ചോദ്യം ചെയ്ത യുവാക്കളെ മര്‍ദ്ദിച്ചതായി പരാതി. മാരകായുധം ഉപയോഗിച്ചാതിയിരുന്നു മര്ദ്ദനം. മടക്കര ആലിനപ്പുറത്താണ് സംഭവം. തുരുത്തിയിലെ മുഹമ്മദ് റാഷിദ്‌(24), അബ്ദുല്ല(26), ഹബീബുറഹ്മാന്‍(23) എന്നിവര്‍ക്കാണ്‌ പരുക്കേറ്റത്‌.
മടക്കര തുരുത്തിയില്‍ രാത്രി രാജന്‍ എന്നയാള്‍ മതില്‍ ചാടികടന്ന്‌ വീട്ടില്‍ ഒളിഞ്ഞുനോക്കുന്നത്‌ ക്രിക്കറ്റ്‌ കളിക്കുകയായിരുന്ന റാഷിദിന്റെയും സംഘത്തിന്റെയും ശ്രദ്ധയില്‍പെടുകയായിരുന്നു. യുവാക്കള്‍ വീട്ടിനടുത്ത്‌ എത്തുമ്പോഴേക്കും രാജന്‍ ഓടി രക്ഷപ്പെട്ടു. പിറകെ ഓടിയ റാഷിദും സംഘവും രാജന്റെ വീട്ടില്‍ എത്തി ചോദ്യം ചെയ്തപ്പോഴാണ്‌ ഇയാളും മറ്റ് രണ്ടുപേരും ചേര്‍ന്ന്‌ യുവാക്കളെ മര്‍ദ്ദിക്കുകയായിരുന്നു.
അതേസമയം, തുരുത്തി കൈരളി വായനശാലയ്ക്ക്‌ സമീപം വാട്ടര്‍ഫില്‍ട്ടര്‍ തകര്‍ത്തതുമായി ബന്ധപ്പെട്ടാണ്‌ അക്രമസംഭവങ്ങള്‍ അരങ്ങേറിയതെന്നാണ് രാജന്റേയും സംഘത്തിന്റേയും വാദം. ഇവരെ ചെറുവത്തൂരിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.
