അനുബന്ധ വാര്ത്തകള്
- 2000 രൂപ നോട്ടുകളൂടെ അച്ചടി നിർത്തി, ഔദ്യോഗികമായി സ്ഥിരീകരിച്ച് റിസർവ് ബാങ്ക്
- 17കാരനെ കാണാതായിട്ട് ഏഴ് ദിവസം, സമീപത്തെ വനത്തിലെ ചെടികളിൽ രക്തക്കറ
- ചീഫ് സെക്രട്ടറിയെ വിളിച്ചുവരുത്തി വിശദീകരണം തേടണം, ഗവർണർക്ക് കത്തുനൽകി പ്രതിപക്ഷം
- ഫയലിനകത്ത് എന്തുമാകട്ടെ, സെക്രട്ടേറിയറ്റിൽ തീപിടുത്തമുണ്ടാകുമെന്ന് ഒരു വർഷം മുൻപേ ഞാൻ പറഞ്ഞിരുന്നതാണ്: മുരളി തുമ്മരുകുടി
- ആറുമാസത്തോളമായി ഭാര്യയെ ചങ്ങലയ്ക്കിട്ട് മുറിയിൽപൂട്ടി ഭർത്താവ്, മോചിപ്പിച്ച് വനിതാ കമ്മീഷൻ; ഭർത്താവ് അറസ്റ്റിൽ
സ്നാപ്ഡ്രാഗൺ 665 പ്രൊസസർ, ഫാസ്റ്റ് ചാർജിങ്, നോക്കിയ 5.3 ഇന്ത്യൻ വിപണിയിൽ; വില 13.999 രൂപ
മറ്റൊരു എക്കണോമി സ്മാർട്ട്ഫോണിനെ കൂടി ഇന്ത്യൻ വിപണിയിൽ അവതരിപ്പിച്ച് നോക്കിയ. നോക്കിയ 5.3 എന്ന ബഡ്ജറ്റ് സ്മാർട്ട്ഫോണിനെയാണ് നോക്കിയ ഇന്ത്യൻ വിപണിയിൽ അവതരിപിച്ചിരിയ്ക്കുന്നത്. 4 ജിബി റാം 64 ജിബി സ്റ്റോറേജ്. 6 ജിബി റാം 64 ജിബി സ്റ്റോറേജ് എന്നിങ്ങനെ രണ്ട് വേരിയന്റുകളിലാണ് സ്മാർട്ട്ഫോൺ എത്തിയിയ്ക്കുന്നത്. അടിസ്ഥാന വകഭേതത്തിന് 13,999 രൂപയും, ഉയർന്ന പതിപ്പിന് 15,499 രൂപയുമാണ് വില.
6.55 ഇഞ്ച് എച്ച്ഡി പ്ലസ് ഡിസ്പ്ലേയാണ് സ്മാർട്ട്ഫോണിന് നൽകിയിരിക്കുന്നത്. 13 മെഗാപിക്സൽ പ്രൈമറി ക്യാമറയോടുകൂടിയ ക്വാഡ് റിയർ ക്യാമറകളാണ് സ്മാർട്ട്ഫോണിലുള്ളത്. 5 എംപി, 2 എംപി, 2 എംപി എന്നിവയാണ് ക്വാഡ് ക്യാമറയിലെ മറ്റു സെൻസറുകൾ. 8 മെഗാപിക്സലാണ് സെൽഫി ക്യാമറ.
ക്വാൽകോമിന്റെ സ്നാപ്ഡ്രാഗൺ 665 പ്രൊസസറാണ് ഫോണിന്റെ കരുത്ത്. ആൻഡ്രോയിഡ് 10 ലാണ് സ്മാർട്ട്ഫോൺ പ്രവർത്തിയ്കുക. 10W അതിവേഗ ചാർജിങ് സംവിധാനത്തോടെയുള്ള 4000 എംഎഎച്ച് ബാറ്ററിയാണ് നോക്കിയ 5.3യിൽ നൽകിയിരിയ്ക്കുന്നത്.
