അനുബന്ധ വാര്ത്തകള്
- അംപയര് വൈഡ് വിളിച്ചു, സഞ്ജുവിന് പിടിച്ചില്ല; ഡിആര്എസ് ആവശ്യപ്പെട്ട് രാജസ്ഥാന് നായകന് (വീഡിയോ)
- സഞ്ജുവിന്റെ രാജസ്ഥാന് തുടര്ച്ചയായ രണ്ടാം തോല്വി; എന്തുപറ്റിയെന്ന് ആരാധകര്
- പൃഥ്വി ഷായ്ക്ക് 25 ശതമാനം പിഴ
- മിന്നി കോലി; തുടര്ച്ചയായ ഗോള്ഡന് ഡക്കിന് പിന്നാലെ റണ്മെഷീന് അര്ധ സെഞ്ചുറി
- ' കോലി ഉടന് റണ്സ് അടിച്ചുകൂട്ടുമെന്ന് എനിക്ക് തോന്നുന്നില്ല '
അവസാന ഓവറുകളില് റണ്സ് വേണമായിരുന്നെന്ന് സഞ്ജു; മെല്ലെപ്പോയത് നിങ്ങള് തന്നെയല്ലേ എന്ന് ആരാധകര്
കൊല്ക്കത്ത നൈറ്റ് റൈഡേഴ്സിനെതിരായ മത്സരം തോറ്റതിനു പിന്നാലെ രാജസ്ഥാന് നായകന് സഞ്ജു സാംസണെതിരെ വിമര്ശനം. സഞ്ജുവിന്റെ ഇന്നിങ്സാണ് തോല്വിക്ക് കാരണമെന്ന് സാമൂഹ്യമാധ്യമങ്ങളില് നിരവധി പേര് കമന്റ് ചെയ്തു.
കൊല്ക്കത്തയ്ക്കെതിരെ 49 പന്തുകളില് നിന്ന് 54 റണ്സ് നേടിയാണ് സഞ്ജു പുറത്തായത്. സ്ട്രൈക് റേറ്റ് വെറും 110.20 ആണ്. നിശ്ചിത 20 ഓവറില് രാജസ്ഥാന് എടുക്കാനായത് അഞ്ച് വിക്കറ്റ് നഷ്ടത്തില് 152 റണ്സ് മാത്രം ! ഇഴഞ്ഞുനീങ്ങിയ സഞ്ജുവിന്റെ ഇന്നിങ്സാണ് ടീം ടോട്ടല് 152 ല് ഒതുക്കിയതെന്നാണ് രാജസ്ഥാന് ആരാധകര് അടക്കം കുറ്റപ്പെടുത്തുന്നത്.
കളി കുറച്ച് കൂടി നന്നായി ഫിനിഷ് ചെയ്യാമായിരുന്നു. ടീം ടോട്ടല് 15-20 റണ്സ് കുറവായിരുന്നു. ഡെത്ത് ഓവറുകളില് കുറച്ച് കൂടി റണ്സ് വരണമായിരുന്നെന്നും സഞ്ജു പറഞ്ഞു. എന്നാല്, ഡെത്ത് ഓവറുകളില് അല്ല മധ്യ ഓവറുകളിലാണ് റണ്സ് വരാതിരുന്നതെന്നും അതിനു കാരണം സഞ്ജുവിന്റെ മെല്ലെപ്പോക്ക് ഇന്നിങ്സ് ആണെന്നുമാണ് പലരുടേയും അഭിപ്രായം.
