ലഖ്‌നൗ സൂപ്പര്‍ ജയന്റ്‌സിനെതിരായ മത്സരത്തിലെ തോല്‍വിയെ കുറിച്ച് ചെന്നൈ സൂപ്പര്‍ കിങ്‌സ് നായകന്‍ രവീന്ദ്ര ജഡേജ. ഫീല്‍ഡിങ്ങിലെ പിഴവുകളാണ് തോല്‍വിയില്‍ നിര്‍ണായകമായതെന്ന് ജഡേജ പറഞ്ഞു. ' ഞങ്ങള്‍ക്ക് നല്ല തുടക്കം കിട്ടിയിരുന്നു. പക്ഷേ ഫീല്‍ഡിങ്ങില്‍ കാര്യങ്ങള്‍ കൈവിട്ടു. ക്യാച്ചുകള്‍ കൃത്യമായി എടുത്താല്‍ കളികള്‍ ജയിക്കും. ആ അവസരങ്ങളെല്ലാം ഞങ്ങള്‍ പ്രയോജനപ്പെടുത്തണമായിരുന്നു. ഗ്രൗണ്ടില്‍ നന്നായി ഈര്‍പ്പം ഉണ്ടായിരുന്നു. പന്ത് കൈകളില്‍ ഇരിക്കുന്നുണ്ടായിരുന്നില്ല. അടുത്ത തവണ നനവുള്ള പന്ത് കൃത്യമായി പിടിക്കാന്‍ പരിശീലനം നേടണം. ബൗളിങ് യൂണിറ്റിനെ കുറച്ചുകൂടി മെച്ചപ്പെടുത്തണം,' ജഡേജ പറഞ്ഞു.