അനുബന്ധ വാര്ത്തകള്
- ഇയാൾ ഐപിഎല്ലിൽ അടുത്തെങ്ങും ഹിറ്റായിട്ടില്ല, ഇപ്പോൾ ടെസ്റ്റ് മാനായി, ലോകകപ്പിൽ ഇന്ത്യയ്ക്ക് ബാധ്യതയാകുമോ എന്ന ആശങ്കയിൽ ആരാധകരും
- കുറഞ്ഞ ഓവർ നിരക്കിൽ പണി വാങ്ങി റിഷഭ് പന്ത്, ആർസിബിക്കെതിരെ പുതിയ ക്യാപ്റ്റനുമായി ഡൽഹി
- KKR: ഐപിഎൽ പ്ലേ ഓഫ് ഉറപ്പിച്ച ആദ്യ ടീമായി കൊൽക്കത്ത, മുംബൈയെ എറിഞ്ഞിട്ടത് സ്പിന്നർമാർ
- നഗ്നതാപ്രദർശനം : ഫോട്ടോ എടുക്കാനെത്തിയ ആളുടെ മുഖത്ത് ചൂട് ചായ ഒഴിച്ചു
- ചെന്നൈയുടെ അത്താഴം മുടക്കി ഗുജറാത്ത്, വരാനിരിക്കുന്ന പോരാട്ടങ്ങൾ ആർസിബിക്കും രാജസ്ഥാനും എതിരെ രണ്ടിലും വിജയിച്ചില്ലെങ്കിൽ പുറത്ത്
കൊൽക്കത്ത മാത്രമാണ് പ്ലേ ഓഫ് ഉറപ്പിച്ചത്, ബാക്കി 3 സ്ഥാനങ്ങൾക്കായി മത്സരിക്കുന്നത് 7 ടീമുകൾ
ഐപിഎല് 2024 സീസണില് പ്ലേ ഓഫില് യോഗ്യത നേടുന്ന ആദ്യ ടീമായി കൊല്ക്കത്ത നൈറ്റ് റൈഡേഴ്സ്. 12 മത്സരങ്ങളില് 9 എണ്ണത്തിലും വിജയിച്ച് 18 പോയന്റുകളാണ് കൊല്ക്കത്തയ്ക്കുള്ളത്. 16 പോയന്റുകളുമായി രാജസ്ഥാന് റോയല്സ് രണ്ടാം സ്ഥാനത്താണെങ്കിലും നിലവില് 7 ടീമുകള്ക്ക് 16 പോയന്റ് സ്വന്തമാക്കാനുള്ള സാധ്യത മുന്നിലുണ്ട് എന്നതിനാല് മറ്റ് ടീമുകളൊന്നും തന്നെ പ്ലേ ഓഫ് ഉറപ്പിച്ചിട്ടില്ല.
രണ്ടാം സ്ഥാനക്കാരായി പ്ലേ ഓഫില് സ്ഥാനമുറപ്പിക്കാന് ശേഷിക്കുന്ന 3 മത്സരങ്ങളില് നിന്നും ഒരു വിജയമാണ് രാജസ്ഥാന് റോയല്സിന് ആവശ്യമുള്ളത്. നിലവിലെ ഫോമില് രാജസ്ഥാന് രണ്ടാമതായി തന്നെ പ്ലേ ഓഫില് കയറാനാണ് സാധ്യത. ചെന്നൈ,ഹൈദരാബാദ്,ഡല്ഹി,ലഖ്നൗ,ആര്സിബി,ഗുജറാത്ത് ടീമുകളാണ് മൂന്നും നാലും സ്ഥാനങ്ങള്ക്കായി മത്സരിക്കുന്നത്. ഈ ടീമുകള്ക്കെല്ലാം തന്നെ 16 പോയന്റുകള് സ്വന്തമാക്കാനുള്ള സാധ്യത ഇനിയും അവശേഷിക്കുന്നുണ്ട്.
നിലവില് 18 പോയന്റുകളുമായി ഒന്നാമതുള്ള കൊല്ക്കത്തയ്ക്ക് രാജസ്ഥാന് റോയല്സുമായും ഗുജറാത്ത് ടൈറ്റന്സുമായുമാണ് മത്സരങ്ങള് ബാക്കിയുള്ളത്. ഇതില് രണ്ടിലും വിജയിക്കാനായാല് 22 പോയന്റുകളോടെ ഐപിഎല് ലീഗ് മത്സരങ്ങളില് ഏറ്റവും കൂടുതല് പോയന്റുകള് നേടിയ ടീം എന്ന റെക്കോര്ഡ് സ്വന്തമാക്കാന് സാധിക്കും.
