ഇംഗ്ലണ്ടിൽ കൗണ്ടി ക്രിക്കറ്റ് കളിച്ച് പരിചയമുള്ള ചേതേശ്വര്‍ പുജാരയുടെ സാന്നിദ്ധ്യം ഇന്ത്യയ്ക്ക് മുതല്‍ക്കൂട്ടാകുമെന്ന് മുന്‍ ഇന്ത്യന്‍ താരം സുനില്‍ ഗവാസ്‌കര്‍. ഇംഗ്ലണ്ടിലെ സാഹചര്യങ്ങളെ പറ്റി കൃത്യമായ ധാരണ പുജാരയ്ക്കുണ്ട്. ഇത് ഫൈനലില്‍ ഇന്ത്യയ്ക്ക് വലിയ മെച്ചമുണ്ടാക്കും. ഗവാസ്‌കര്‍ പറഞ്ഞു

.ഇംഗ്ലീഷ് കൗണ്ടി ക്രിക്കറ്റില്‍ സസെക്‌സ് നായകനാണ് ചേതേശ്വര്‍ പുജാര. ഓസീസ് ടെസ്റ്റ് ടീമിലെ പ്രധാനതാരമായ സ്റ്റീവ് സ്മിത്ത് പുജാരയുടെ നായകത്വത്തിന് കീഴിലാണ് കൗണ്ടി ക്രിക്കറ്റില്‍ കളിക്കുന്നത്. ഓവലിലെ സാഹചര്യങ്ങള്‍ അവന് വ്യക്തമായി അറിയാം. ടെസ്റ്റ് മത്സരത്തില്‍ അതിനാല്‍ തന്നെ പുജാരയുടെ സാന്നിധ്യം നിര്‍ണായകമാകും. സ്മിത്തിനെതിരെ തന്ത്രങ്ങള്‍ ഒരുക്കുന്നതിനും പുജാര ടീമിന് പ്രയോജനപ്പെടും. ഗവാസ്‌കര്‍ പറഞ്ഞു.