സ്നോഡനെ കാണണം; പിതാവ് റഷ്യന്‍ വിസക്കായി ശ്രമം തുടങ്ങി
മോസ്കോ|
WEBDUNIA|
PRO
അമേരിക്കയുടെ പ്രിസം പദ്ധതിയെപ്പറ്റി ലോകരാജ്യങ്ങലെ അറിയിച്ച എഡ്വേര്‍ഡ്‌ സ്നോഡനെ സന്ദര്‍ശിക്കാന്‍ അദ്ദേഹത്തിന്റെ പിതാവ് റഷ്യന്‍ വിസ തേടുന്നു.
റഷ്യന്‍ തലസ്ഥാനത്തെ വിമാനത്താവളത്തിലെ ട്രാന്‍സിറ്റ്‌ സോണില്‍ കഴിയുന്ന എഡ്വേര്‍ഡ്‌ സ്നോഡനെ സന്ദര്‍ശിക്കുന്നതിന്‌ അദ്ദേഹത്തിന്റെ പിതാവ് ലോണി സ്നോഡനാണ് റഷ്യന്‍ വീസക്കായി ശ്രമിക്കുന്നത്. യുഎസ്‌ പിടികൂടാനാഗ്രഹിക്കുന്ന സ്നോഡന് ഏതെങ്കിലും രാജ്യത്ത്‌ അഭയം തേടാനുള്ള ശ്രമത്തിന്റെ ഭാഗമായാണു ഹോങ്കോങ്ങില്‍ നിന്നു റഷ്യയിലെത്തിയത്‌. അദ്ദേഹത്തെ വിട്ടുകൊടുക്കണമെന്ന ആവശ്യം റഷ്യ നിരാകരിച്ചിരുന്നു.
റഷ്യന്‍ വിസ ലഭിക്കുന്നതിനുള്ള അപേക്ഷ ഉടനെ നല്‍കുമെന്ന് പിതാവ് ലോണി സ്നോഡന്റെ അഭിഭാഷകന്‍ അറിയിച്ചു.
