ശവപ്പെട്ടി തുറന്നപ്പോള്‍ ഞെട്ടി; ഭാര്യയുടെ മൃതദേഹത്തിന് പകരം മറ്റൊരു സ്ത്രീയുടേത്!
ലണ്ടന്‍|
WEBDUNIA|
PRO
PRO
മൈക്കിള്‍ ഗാലന്റ് എന്നയാളുടെ ഭാര്യയുടെ ശവസംസ്കാര ചടങ്ങിനിടെയാണ് സംഭവം. വീട്ടില്‍ എത്തിച്ച ശവപ്പെട്ടി തുറന്നുനോക്കിയ ഗാലന്റ് ഞെട്ടിപ്പോയി. തന്റെ ഭാര്യയ്ക്ക് പകരം ഏതോ ഒരു സ്ത്രീയുടെ മൃതദേഹം. ശവപ്പെട്ടിയ്ക്കരികിലെത്തിയ ഗാലന്റിന്റെ മകളും ഞെട്ടി, സ്വന്തം അമ്മയ്ക്ക് പകരം മറ്റൊരു സ്ത്രീ കിടക്കുന്നു. സൌത്ത് ആഫ്രിക്കയിലാണ് സംഭവം നടന്നത്.
മൃതദേഹം ശവപ്പെട്ടിയിലാക്കി വീട്ടിലെത്തിക്കാന്‍ ഏല്‍പ്പിച്ച കമ്പനിയിലെ സ്റ്റാഫുകള്‍ക്ക് പിണഞ്ഞ അബദ്ധമായിരുന്നു ഇതിന് കാരണം. എന്നാല്‍ ആദ്യം സ്റ്റാഫുകള്‍ തെറ്റ് സമ്മതിക്കാന്‍ കൂട്ടാക്കിയില്ല. ഒടുവില്‍ കമ്പനി അധികൃതര്‍ മാപ്പ് പറഞ്ഞു. മോര്‍ച്ചറിയില്‍ നിന്ന് യഥാര്‍ത്ഥ മൃതദേഹത്തിന് പകരം മറ്റൊരെണ്ണം ആയിരുന്നു ഇവര്‍ പുറത്തെടുത്തത്.
വൈകാതെ കമ്പനി ശരിയായ മൃതദേഹം എത്തിച്ച് നല്‍കുകയും ചെയ്തു.
