വാര്‍ത്താസംഘത്തിലുണ്ടായിരുന്ന മൂന്ന് പേരെ ചാരന്‍‌മാരെന്ന് വിളിച്ചാണ് സൈനികര്‍ ആക്രമിച്ചത്. കണ്ണുകെട്ടിയ ശേഷം കാല്‍മുട്ടുകൊണ്ടും കൈകൊണ്ടും തോക്കിന്റെ പാത്തികൊണ്ടും ആക്രമിച്ച സൈനികര്‍ തങ്ങളെ 21 മണിക്കൂര്‍ തടവിലിട്ടെന്നും വാര്‍ത്താലേഖകര്‍ പറഞ്ഞതായി ബിബിസി റിപ്പോര്‍ട്ട് ചെയ്തു.
അതിനിടെ, പിതാവ് ഗദ്ദാഫിക്ക് പൂര്‍ണ പിന്തുണയുമായി മകന്‍ സെയ്ഫ് അല്-ഇസ്ലാം രംഗത്ത് എത്തി. രാജ്യത്തിന്റെ കിഴക്കന്‍ മേഖലയിലേക്ക് സര്‍ക്കാരിന്റെ സൈന്യം ഉടന്‍ എത്തുമെന്ന് പറഞ്ഞ സെയ്ഫ് സര്‍ക്കാരിനായിരിക്കും അന്തിമ വിജയമെന്നും ഉറപ്പിച്ച് പറഞ്ഞു.
ലിബിയ സ്വന്തം രാജ്യമാണെന്നും ഒരിക്കലും നാടുവിടാന്‍ ഒരുങ്ങില്ല എന്നും സെയ്ഫ് ഒരു അഭിമുഖത്തില്‍ പറഞ്ഞിരുന്നു. പാശ്ചാത്യ ശക്തികളെ ഭയക്കുന്നില്ല എന്നും ഭീകരര്‍ക്ക് ഒരിക്കലും കീഴടങ്ങില്ല എന്നും സെയ്ഫ് വ്യക്തമാക്കിയിട്ടുണ്ട്.
