അമേരിക്കന്‍ യുദ്ധക്കപ്പലില്‍ ഉണ്ടായ തീപിടുത്തത്തില്‍ 60ലേറെ സൈനികര്‍ക്ക് പരിക്കേറ്റതായി റിപ്പോര്‍ട്ട്. സാന്‍ഡിയാഗോ ദ്വീപില്‍ നിലയുറപ്പിച്ചിരുന്ന കപ്പലിലാണ് തീപിടുത്തം ഉണ്ടായതെന്ന് നാവികസേനയുടെ മേധാവി റിയര്‍ അഡ്മിനറല്‍ ഫിലിപ്പ് സോബെക്ക് പറഞ്ഞു.

എന്നാല്‍ ആരെയും ആശുപത്രിയിലേക്ക് മാറ്റിയില്ലെന്നും ചികിത്സ കപ്പലില്‍ വച്ചുതന്നെ നല്‍കിയെന്നും അദ്ദേഹം പറഞ്ഞു. 160ലേറെ സൈനികരാണ് കപ്പലില്‍ ആപകടസമയത്ത് ഉണ്ടായിരുന്നത്. ശക്തമായ ചൂടും പുകയുമാണ് അപകടത്തിന് കാരണമായതെന്നാണ് പറയുന്നത്. തീപിടുത്തത്തിന്റെ കാരണം വ്യക്തമല്ല. നാശനഷ്ടങ്ങളുടെ കണക്ക് എടുത്തുകൊണ്ടിരിക്കുകയാണ്.