തീരെ വണ്ണം ഇല്ലെങ്കില്‍ ഇതു മൂലം നിരവധി മാനസിക പ്രശ്‌നങ്ങള്‍ അനുഭവിക്കേണ്ടിവരും. ആത്മവിശ്വാസം വരെ തകര്‍ക്കുന്ന ഒന്നുതന്നെയാണ് തീരെ മെലിഞ്ഞിരിക്കുന്നത്. ഇത്തരക്കാര്‍ വണ്ണം വയ്ക്കാന്‍ പഠിച്ച പണി പതിനെട്ടും നോക്കിയിട്ടും രക്ഷ കിട്ടാറില്ല. ഇതിന് പരിഹാരം ഡയറ്റ് തന്നെയാണ്. ഇതിലൊരു വിഭവമാണ് ഇന്ന് പരിചയപ്പെടുത്തുന്നത്.

അല്‍പം ചോളം, ഒരു സവാള, അല്‍പം നെയ്യ്, കുരുമുളക് പൊടി, ഉപ്പ്, എന്നിവയാണ് ആവശ്യമുള്ള സാധനങ്ങള്‍. ഇവ ഉപയോഗിച്ച് നല്ലൊരു കിടിലന്‍ വിഭവം തയ്യാറാക്കി കഴിക്കാവുന്നതാണ്. ചോളം നല്ലതു പോലെ വേവിച്ച ശേഷം അല്‍പം നെയ്യ് ഒഴിച്ച് അതില്‍ സവാള വഴറ്റിയെടുക്കുക. ഇതിലേക്ക് അല്‍പം വെള്ളം ഒഴിച്ച് വേവിച്ച് വെച്ചിരിക്കുന്ന ചോളം അതിലിട്ട് നല്ലതു പോലെ തിളപ്പിക്കുക. തിളപ്പിച്ച് കഴിഞ്ഞാല്‍ അതിലേക്ക് ഉപ്പ് കുരുമുളക് എന്നിവ ചേര്‍ത്ത് നല്ലതു പോലെ ഇളക്കുക. ഇത് നന്നായി തിളച്ച് കഴിഞ്ഞാല്‍ ചൂടാറിയ ശേഷം കഴിക്കാവുന്നതാണ്.