അനുബന്ധ വാര്ത്തകള്
- Side Effects of Lemon Soda: ചൂടാണെന്ന് കരുതി ഇടയ്ക്കിടെ നാരങ്ങാ സോഡ കുടിക്കരുത്; അറിഞ്ഞിരിക്കാം ദോഷഫലങ്ങള്
- ചൂടുകാലമാണ്, ചൂടുകുരുവിനെതിരെ മുന്കരുതലുകള് എടുക്കണം
- കുട്ടികള്ക്ക് കണ്ണെഴുതരുത് !
- ശരീരത്തിനു ആവശ്യമുള്ള വെള്ളം നിങ്ങള് കുടിക്കുന്നുണ്ടോ എന്ന് എങ്ങനെ തിരിച്ചറിയാം?
- രക്തം ദാനം ചെയ്യുന്നതിന് മുന്പ് എന്തൊക്കെ കാര്യങ്ങള് ശ്രദ്ധിക്കണം?
രാവിലെ എഴുന്നേറ്റ ഉടനെയുള്ള ചായ കുടിയും പതിയിരിക്കുന്ന അപകടങ്ങളും; നല്ല ശീലം ഇതാണ്
വെറുംവയറ്റില് ചൂടുവെള്ളം കുടിക്കുന്നതാണ് അത്യുത്തമം
അതിരാവിലെ എഴുന്നേറ്റ് വെള്ളം കുടിക്കുന്നതുകൊണ്ട് ഒട്ടേറെ ഗുണങ്ങളുണ്ട്. എന്നാല്, പല്ല് തേക്കുന്നതിനു മുന്പ് വെള്ളം കുടിക്കുന്നത് നല്ല കാര്യമാണോ? പലര്ക്കും ഇക്കാര്യത്തില് സംശയങ്ങളുണ്ട്. എന്നാല്, അതിരാവിലെ വെറുംവയറ്റില് പല്ല് തേക്കുന്നതിനു മുന്പ് വെള്ളം കുടിക്കുന്നത് നല്ല ശീലമാണ്. പല്ല് തേക്കുന്നതിനു മുന്പ് വെള്ളം കുടിക്കുമ്പോള് വായില് കാണപ്പെടുന്ന ആസിഡുകള് നിങ്ങളുടെ ആമാശയത്തിലേക്ക് കടന്നു ചെല്ലുകയും ഇത് ബാക്ടീരിയകളെ കൊല്ലാന് സഹായിക്കുകയും ചെയ്യുന്നു. അതിനാല്, രാവിലെ പല്ല് തേക്കുന്നതിനു മുന്പ് വെള്ളം കുടിക്കുന്നത് പതിവാക്കുക. ഇതുവഴി പാര്ശ്വഫലങ്ങള് ഒന്നും ഉണ്ടാകില്ല.
വെറുംവയറ്റില് ചൂടുവെള്ളം കുടിക്കുന്നതാണ് അത്യുത്തമം. ചൂടുവെള്ളം കുടല് വൃത്തിയാക്കുകയും ശരീരത്തില് നിന്ന് ദോഷകരമായ വിഷവസ്തുക്കളെ അകറ്റുകയും ചെയ്യും. രാവിലെ വെറും വയറ്റില് വെള്ളം കുടിച്ച ശേഷം പ്രഭാതഭക്ഷണം കഴിക്കുന്നതിനായി കുറഞ്ഞത് 45 മിനിറ്റെങ്കിലും കാത്തിരിക്കണം. ഇത് ആരോഗ്യത്തിന് മികച്ചതാണെന്ന് ഗവേഷകര് നിര്ദേശിക്കുന്നു. വെറുംവയറ്റില് വെള്ളം കുടിക്കുന്നത് മലബന്ധം ഒഴിവാക്കാന് സഹായിക്കും. ബെഡ്ഡില് ഇരുന്ന് വളരെ സാവധാനം വേണം വെള്ളം കുടിക്കാന്. ധൃതിയില് ധാരാളം വെള്ളം ഒരുമിച്ച് കുടിക്കുന്നത് അത്ര നല്ല ശീലമല്ല. ഗ്ലാസില് വെള്ളം ഒഴിച്ച് കുടിക്കാനും ശ്രദ്ധിക്കണം. കുപ്പി നേരെ വായയിലേക്ക് വെച്ച് നിര്ത്താതെ വെള്ളം കുടിക്കുന്നത് ആരോഗ്യത്തിനു ദോഷം ചെയ്യും.
