അനുബന്ധ വാര്ത്തകള്
- നല്ല ആരോഗ്യത്തിനു നിര്ബന്ധമായും ചെയ്യേണ്ട കാര്യങ്ങള്
- കക്ഷം അമിതമായി വിയര്ക്കുകയും ദുര്ഗന്ധം അനുഭവപ്പെടുകയും ചെയ്യാറുണ്ടോ? ഇങ്ങനെ ചെയ്തു നോക്കൂ
- ഹോര്മോണ് ഡിസോഡര് ഉള്ള സ്ത്രീകളില് മുടികൊഴിച്ചില് എങ്ങനെ നിയന്ത്രിക്കാം?
- കയ്പ്പാണെന്ന് കരുതി പാവയ്ക്ക കഴിക്കാതിരിക്കരുത്; അറിഞ്ഞിരിക്കാം ഗുണങ്ങള്
- ദിവസവും ഈ സമയത്ത് ടോയ്ലറ്റില് പോകുന്നതാണ് നല്ലത് !
സവാളയിലെ കറുത്ത പാടുകള് കഴുകി കളയാറുണ്ടോ? ശ്രദ്ധിക്കാം ഇക്കാര്യങ്ങള്
നന്നായി വൃത്തിയാക്കിയ ശേഷം മാത്രമേ കറികള്ക്കായി സവാള അരിയാവൂ
സവാളയുടെ തൊലി കളയുമ്പോള് പലയിടത്തായി കറുത്ത പാടുകളും വരകളും കാണുന്നത് എന്താണ്? ഇത് ആരോഗ്യത്തിനു അപകടകരമാണോ? ഈ സംശയം നമുക്കെല്ലാവര്ക്കും ഉണ്ട്. സവാളയുടെ തൊലി കളയുമ്പോള് കാണുന്ന കറുത്ത പാടുകള് ഒരു തരം പൂപ്പലാണ്. ആസ്പര്ജിലസ് നൈഗര് എന്നാണ് ഇതിനെ പറയുക. ഇത് അത്ര വലിയ അപകടകാരി അല്ലെങ്കിലും നാം ശ്രദ്ധിക്കണം. മുന്തിരി, ഉള്ളി, നിലക്കടല എന്നിവയിലെല്ലാം ഇത്തരം പാടുകള് കാണപ്പെട്ടേക്കാം. തൊലി കളഞ്ഞശേഷം സവാള നന്നായി കഴുകി വൃത്തിയാക്കണം. സവാളയുടെ കറുത്ത കുത്തുകളും വരകളും നന്നായി കഴുകിയാല് പോകുന്നതാണ്.
നന്നായി വൃത്തിയാക്കിയ ശേഷം മാത്രമേ കറികള്ക്കായി സവാള അരിയാവൂ. ഫ്രിഡ്ജിനുള്ളിലും ഇതിനു സമാനമായ കറുത്ത പാടുകള് ചിലപ്പോള് കാണാം. ഫ്രിഡ്ജിനുള്ളില് കാണുന്നത് സ്റ്റാച്ചിബോട്രിസ് ചാര്ട്ടറം എന്ന പൂപ്പലാണ്. വിവിധതരം മൈക്രോഫംഗസാണിത്. നനവും തണുപ്പുമുള്ള പ്രതലങ്ങളില് ഇത് സാധാരണയായി കാണപ്പെടുന്നു. ഫ്രിഡ്ജ് ഇടയ്ക്കിടെ വൃത്തിയാക്കുന്നത് ഈ പൂപ്പല് തടയാന് സഹായിക്കും. നമ്മുടെ ആരോഗ്യത്തിന്റെ കാവല്ക്കാര് നമ്മള് തന്നെയാണെന്ന് പ്രത്യേകം ഓര്ക്കുക.
