അനുബന്ധ വാര്ത്തകള്
- ആമാശയത്തെയും കുടലുകളെയും ബാധിക്കുന്ന അണുബാധ, 12 മുതല് 48 മണിക്കൂറിനുള്ളില് രോഗലക്ഷണങ്ങള് കണ്ടുതുടങ്ങും; നോറോ വൈറസിനെ പേടിക്കേണ്ടത് ശൈത്യകാലത്ത്
- നോറോ വൈറസ് മരണത്തിനു കാരണമാകുമോ?
- നോറോ വൈറസ് രോഗലക്ഷണങ്ങള് എന്തെല്ലാം?
- കടല് മത്സ്യങ്ങള് കഴിക്കുമ്പോള് ശ്രദ്ധിക്കണം; നോറോ വൈറസ് പ്രതിരോധം ഇങ്ങനെ
- എന്താണ് നോറോ വൈറസ്?
നോറോ വൈറസിനെ പ്രതിരോധിക്കാന് മരുന്നുണ്ടോ? വെള്ളം ധാരാളം കുടിക്കണമെന്ന് പറയുന്നത് എന്തുകൊണ്ട്?
കൊറോണ വൈറസ് ഭീതിക്കിടെയാണ് കേരളത്തില് നോറോ വൈറസും സ്ഥിരീകരിച്ചിരിക്കുന്നത്. നോറോ വൈറസ് രോഗത്തിനെതിരെ കൃത്യമായ ആന്റിവൈറല് മരുന്നോ വാക്സിനോ നിലവിലില്ല. അതിനാല് നിര്ജലീകരണം തടയുകയാണു പ്രധാന മാര്ഗം. നോറോ വൈറസ് ബാധിച്ചവര് ധാരാളം വെള്ളം കുടിക്കണം. ഛര്ദി, വയറിളക്കം എന്നീ രോഗലക്ഷണങ്ങളിലൂടെ ശരീരത്തില് ജലാംശം വലിയ രീതിയില് കുറയും. നന്നായി വെള്ളം കുടിച്ചാല് മാത്രമേ നിര്ജലീകരണം തടയാന് സാധിക്കൂ.
മിക്ക ആളുകള്ക്കും ചികിത്സയില്ലാതെ തന്നെ അസുഖം പൂര്ണമായും മാറും. എന്നാല് ചിലരില്, പ്രത്യേകിച്ച് കുട്ടികള്, പ്രായമായവര്, ഗുരുതരമായ അസുഖങ്ങളുള്ളവര് എന്നിവരില് ഛര്ദി, വയറിളക്കം എന്നിവ അധികമായാല് നിര്ജലീകരണം മൂലം ആരോഗ്യനില വഷളാവാന് സാധ്യതയുണ്ട്. അതിനാല് വൈദ്യസഹായം ആവശ്യമായി വന്നേക്കാം. അതിനാല് കൂടുതല് ശ്രദ്ധ വേണം. മൂത്രത്തിന്റെ അളവ് കുറയുക, ചുണ്ട്, തൊണ്ട, വായ എന്നിവ വരളുക, തലകറക്കം, ക്ഷീണം, ചെറിയകുട്ടികളില് അകാരണമായ കരച്ചില്, മയക്കക്കൂടുതല്, വെള്ളം കുടിക്കാന് പറ്റാത്ത അവസ്ഥ എന്നിവയാണു നിര്ജലീകരണത്തിന്റെ ലക്ഷണങ്ങള്.
