അനുബന്ധ വാര്ത്തകള്
- ടെൻഷൻ വരുമ്പോൾ ദഹനപ്രശ്നം ഉണ്ടാകാറുണ്ടോ? ഇക്കാര്യങ്ങൾ അറിഞ്ഞിരിക്കാം
- വില കുറയ്ക്കുന്നത് കുതിക്കാനാണ്, വാണിജ്യാവശ്യത്തിനുള്ള പാചകവാതകവില സെപ്റ്റംബറിൽ 160 രൂപ കുറച്ചു, ഇപ്പോൾ കൂട്ടിയത് 209 രൂപ
- ഗ്യാസ് ട്രബിള് കൂടുതലായി കണ്ടുവരുന്നത് 40 വയസ് കഴിഞ്ഞവരില്, കാരണങ്ങള് ഇവയൊക്കെ
- ഗ്യാസ് സ്റ്റൗ തോന്നിയ പോലെ ഉപയോഗിക്കരുത് ! പതിയിരിക്കുന്ന അപകടം
- വാണിജ്യ ആവശ്യത്തിനുള്ള പാചകവാതക സിലിണ്ടറിന്റെ വില കുറച്ചു
വയറ്റിൽ ഗ്യാസ് നിറയുന്ന പ്രശ്നമുണ്ടോ? ഇക്കാര്യങ്ങൾ ചെയ്തു നോക്കു
അമിതമായ ഭക്ഷണം, കൊഴുപ്പുള്ള ഭക്ഷണങ്ങൾ കഴിക്കുക എന്നിവയെല്ലാം വയറിൽ ഗ്യാസ് നിറയുന്നതിന് കാരണമാകാറുണ്ട്. വയറിൽ അകാരണമായുള്ള സമ്മർദ്ദം,വേദന,ഏമ്പക്കം എന്നിവയെല്ലാം ഇത് മൂലമുണ്ടാകുന്നു. ഇതെല്ലാം തന്നെ വയറും കുടലുമടങ്ങുന്ന ദഹനനാളി വായു മൂലം നിറയുന്നത് മൂലമാണ് സംഭവിക്കുന്നത്. ബ്ലോട്ടിംഗ് എന്നറിയപ്പെടുന്ന ഈ അവസ്ഥയെ എങ്ങനെ മറികടക്കാമെന്ന് നോക്കാം.
ദഹനപക്രിയയിൽ വലിയ സ്ഥാനമാണ് വെള്ളത്തിനുള്ളതെന്നതിനാൽ ആഹാരത്തിന് അര മണിക്കൂർ മുൻപും ഒരു മണിക്കൂർ ശേഷവും വെള്ളം കുടിയ്ക്കാൻ ശ്രദ്ധിക്കണം. ഭക്ഷണത്തിനൊപ്പം വെള്ളം കുടിക്കുന്നത് ദഹനരസത്തെ നേർപ്പിക്കുമെന്നതിനാൽ ആ സമയത്ത് വെള്ളം കുടിക്കുന്നത് ഒഴിവാക്കണം. പച്ചക്കറികൾ ആവി കയറ്റി കഴിക്കാവുന്നതാണ്.പച്ചക്കറികളിലെ ഫൈബർ ദഹനത്തെ മെച്ചപ്പെടുത്തുമെന്നതിനാൽ ഫൈബർ അടങ്ങിയ ഭക്ഷണങ്ങൾ ഡയറ്റിൽ ഉൾപ്പെടൂത്താം.
ഭക്ഷണം എപ്പോഴും നന്നായി ചവച്ചരച്ച് കഴിക്കുന്നത് അമിതമായി ഭക്ഷണം കഴിക്കാനുള്ള പ്രവണതയൊഴിവാക്കാൻ സഹായിക്കും. നന്നായി ചവച്ചരച്ച് തിന്നുന്നതിലൂടെ ഉമിനീരിലെ അമിലേസ് ഭക്ഷണവുമായി കലർന്ന് ദഹനപക്രിയ എളുപ്പത്തിലാക്കുന്നു. ഭക്ഷണം കഴിച്ചാൽ ഉറക്കം വരിക സ്വഭാവികമാണെങ്കിലും ഭക്ഷണം കഴിച്ച് കഴിഞ്ഞാൽ അല്പനേരം നടക്കുന്നത് ദഹനപ്രശ്നങ്ങൾ ഒഴിവാക്കാൻ സഹായിക്കും.
