അനുബന്ധ വാര്ത്തകള്
- വാനര വസൂരിയ്ക്കെതിരെ (മങ്കിപോക്സ്) ജാഗ്രത വേണമെന്ന് ആരോഗ്യവകുപ്പ് മന്ത്രി
- Monkeypox Symptoms: ശക്തമായ പനി, ശരീരവേദന, ദേഹത്ത് കുമിളകള്; കുരങ്ങുവസൂരി ലക്ഷണങ്ങള് അറിഞ്ഞിരിക്കാം
- Monkeypox in Kerala: കുരങ്ങുവസൂരി മനുഷ്യരില് നിന്ന് മനുഷ്യരിലേക്ക് പടരുന്നത് എങ്ങനെ?
- Monkeypox in Kerala: കേരളത്തില് കുരങ്ങുവസൂരി? പരിശോധന ഫലം വൈകിട്ട്
- സംസ്ഥാനത്ത് മങ്കിപോക്സ് ലക്ഷണങ്ങളോടെ ഒരാള് നിരീക്ഷണത്തില്
മങ്കിപോക്സിന് പ്രത്യേക ചികിത്സ ലഭ്യമല്ല; രോഗം പകരുന്നത് ഇങ്ങനെ
വൈറല് രോഗമായതിനാല് വാനര വസൂരിക്ക് പ്രത്യേക ചികിത്സ ലഭ്യമല്ല. രോഗലക്ഷണങ്ങള് ലഘൂകരിക്കുന്നതിനും, രോഗം മൂലമുണ്ടാകുന്ന സങ്കീര്ണതകള് കൈകാര്യം ചെയ്യുന്നതിനും, ദീര്ഘകാല പ്രത്യാഘാതങ്ങള് തടയുന്നതിനും വാനരവസൂരിയുടെ ലക്ഷണങ്ങള് കണ്ടാല് ചികിത്സ തേടേണ്ടത് അത്യാവശ്യമാണ്. വാനര വസൂരിക്ക് വാക്സിനേഷന് നിലവിലുണ്ട്.
രോഗം ബാധിച്ച മൃഗങ്ങളുടെ രക്തം, ശരീര സ്രവങ്ങള് എന്നിവ വഴി നേരിട്ടുള്ള സമ്പര്ക്കത്തിലൂടെ മൃഗങ്ങളില് നിന്ന് മനുഷ്യരിലേക്ക് വാനരവസൂരി പകരാം. അണ്ണാന്, എലികള്, വിവിധ ഇനം കുരങ്ങുകള് എന്നിവയുള്പ്പെടെ നിരവധി മൃഗങ്ങളില് വാനര വസൂരി വൈറസ് അണുബാധയുടെ തെളിവുകള് കണ്ടെത്തിയിട്ടുണ്ട്. വനമേഖലയിലോ സമീപത്തോ താമസിക്കുന്ന ആളുകള്ക്ക് രോഗബാധിതരായ മൃഗങ്ങളുമായുള്ള സമ്പര്ക്കമുണ്ടായാല് രോഗബാധയുണ്ടാകാനുള്ള സാധ്യതയുണ്ട്.
രോഗബാധിതനായ ഒരാളുടെ ശ്വാസകോശ സ്രവങ്ങളുമായുള്ള അടുത്ത സമ്പര്ക്കത്തിലൂടെയാണ് മനുഷ്യരില് നിന്ന് മനുഷ്യരിലേക്ക് രോഗം പകരുന്നത്. ക്ഷതങ്ങള്, ശരീര സ്രവങ്ങള്, ശ്വസന തുള്ളികള്, കിടക്ക പോലുള്ള വസ്തുക്കള് എന്നിവയുമായുള്ള അടുത്ത സമ്പര്ക്കം, രോഗം ബാധിച്ചയാളുമായുള്ള ലൈംഗിക ബന്ധം എന്നിവയിലൂടെ വാനര വസൂരി വൈറസ് ഒരാളില് നിന്ന് മറ്റൊരാളിലേക്ക് പകരുന്നത്.
പ്ലാസന്റ വഴി അമ്മയില് നിന്ന് കുഞ്ഞിലേക്കോ അല്ലെങ്കില് ജനനസമയത്തോ, അതിനുശേഷമോ കുഞ്ഞുമായുള്ള അടുത്ത സമ്പര്ക്കത്തിലൂടെയും രോഗസംക്രമണം സംഭവിക്കാം. ലോകമെമ്പാടും വസൂരിക്കുള്ള വാക്സിനേഷന് നിര്ത്തലാക്കിയതിനാല് പൊതുജനങ്ങളില് വസൂരിക്കെതിരെയുള്ള പ്രതിരോധശേഷി കുറയുന്നത് വാനര വസൂരിക്കെതിരെയുള്ള പ്രതിരോധശേഷി കുറയ്ക്കുന്നതിനും കാരണമായേക്കാം.
അടുത്ത ലേഖനം
