അനുബന്ധ വാര്ത്തകള്
- 'എന്റെ പിതാവ് ഇതിഹാസമാണ്, വല്ല പണിയും എടുത്ത് ജീവിക്കാൻ നോക്ക്': ട്രോളുകൾക്കെതിരെ എ.ആർ റഹ്മാന്റെ മക്കൾ
- കുട്ടികളിലെ സ്വഭാവ വൈകല്യത്തിന്റെ എട്ടു പ്രധാന കാരണങ്ങള്
- ശബരിമലയിലേക്ക് കുട്ടികളേയും കൊണ്ടുപോകുന്നവര് ശ്രദ്ധിക്കുക; പമ്പയില് നിന്ന് ബാന്ഡ് വാങ്ങണം
- വിരബാധ ഒഴിവാക്കാന് ശീലിക്കാം ഇക്കാര്യങ്ങള്
- 16 വയസ്സിന് താഴെയുള്ള കുട്ടികള് സോഷ്യല് മീഡിയ ഉപയോഗിക്കുന്നത് വിലക്കാനൊരുങ്ങി ഓസ്ട്രേലിയ
വിരബാധ കുട്ടികളുടെ ആരോഗ്യത്തെ സാരമായി ബാധിക്കും; ഇക്കാര്യങ്ങള് ശ്രദ്ധിക്കണം
വിരബാധ എല്ലാ പ്രായക്കാരെയും ബാധിക്കുമെങ്കിലും സാധാരണയായി കുട്ടികളെയാണ് കൂടുതല് ബാധിക്കുന്നത്. മണ്ണില് കളിക്കുകയും പാദരക്ഷകള് ഉപയോഗിക്കാതിരിക്കുകയും ചെയ്താല് വിരബാധയുണ്ടാകാനുളള സാധ്യത കൂടുതലാണ്. ശരീരത്തിന്റെ വളര്ച്ചയ്ക്കും വികാസത്തിനും ആവശ്യമായ ഭക്ഷണത്തിലെ പോഷക ഘടകങ്ങള് വിരകള് വലിച്ചെടുക്കുമ്പോള് ശരീരത്തില് പോഷണക്കുറവ് അനുഭവപ്പെടുകയും അത് വളര്ച്ചയെ ബാധിക്കുകയും ചെയ്യുന്നു. സാധാരണ കുടലിലാണ് വിരകള് കാണപ്പെടുന്നത്. ഉരുളന് വിര (റൗണ്ട് വേം), കൊക്കൊപ്പുഴു (ഹുക്ക് വേം), കൃമി (പിന് വേം), നാട വിര (ടേപ്പ് വേം) ചാട്ട വിര (വിപ്പ് വേം) എന്നിവയാണ് സാധാരണ കാണുന്ന വിരകള്.
വിരബാധയുളള ആളുകളില് ഉത്സാഹക്കുറവ്, ക്ഷീണം, വിളര്ച്ച, വയറുവേദന, തലകറക്കം, ഛര്ദ്ദി, പോഷകക്കുറവ്, വിശപ്പില്ലായ്മ, ഭാരക്കുറവ്, ശ്രദ്ധക്കുറവ്, വയറിളക്കം മുതലായവ ഉണ്ടാകാം. കുട്ടികളില് വിരകളുടെ തോത് വളരെ കൂടുതലാണെങ്കില് കുടലിന്റെ പ്രവര്ത്തനം തടസപ്പെടാനും ശരിയായ ചികിത്സ യഥാസമയം ലഭ്യമായില്ലെങ്കില് സങ്കീര്ണമാകാനും സാധ്യതയുണ്ട്.
