അനുബന്ധ വാര്ത്തകള്
- ആയുര്വേദ പ്രകാരമുള്ള ഓണസദ്യയുടെ ആരോഗ്യഗുണങ്ങള് അറിയാമോ
- വിട്ടുമാറാത്ത നിങ്ങളുടെ ക്ഷീണത്തിന്റെ കാരണങ്ങള് ഇവയാകാം
- ചുമ വരുമ്പോഴേക്കും കഫ് സിറപ്പ് വാങ്ങി കുടിക്കുന്നവരാണോ നിങ്ങള്? പതിയിരിക്കുന്നത് അപകടം
- പഴം വെറുതെ കഴിക്കാന് ഇഷ്ടമല്ലേ? എങ്കില് പുഴുങ്ങി നോക്കൂ; ഗുണങ്ങള് ചില്ലറയല്ല
- നിങ്ങള്ക്ക് മൈഗ്രേന് തലവേദന ഉണ്ടോ? ഒരു തരത്തിലും രാത്രി ഉറങ്ങാന് വൈകരുത്
നിങ്ങളുടെ മൂത്രത്തിനു അസഹ്യമായ ദുര്ഗന്ധമുണ്ടോ? ശ്രദ്ധിക്കുക
നിങ്ങളുടെ ദഹനം കൃത്യമായി നടക്കുന്നില്ലെങ്കിലും മെറ്റാബോളിസം താളം തെറ്റിയാലും മൂത്രത്തിനു അസഹ്യമായ മണം വന്നേക്കാം
കൃത്യമായ ഇടവേളകളില് വെള്ളം കുടിക്കേണ്ടതും മൂത്രവിസര്ജനം നടത്തേണ്ടതും അത്യാവശ്യമാണ്. ഒരു കാരണവശാലും മൂത്രമൊഴിക്കാന് തോന്നിയാല് അത് പിടിച്ചുവയ്ക്കരുത്. മൂത്രം പിടിച്ചുവയ്ക്കുന്നത് പല ആരോഗ്യപ്രശ്നങ്ങളിലേക്കും നയിക്കും. ചിലരില് മൂത്രത്തിനു അസഹ്യമായ ദുര്ഗന്ധം അനുഭവപ്പെട്ടേക്കാം. ചിലപ്പോള് പല രോഗങ്ങളുടേയും ലക്ഷണമായിരിക്കും അത്. സാധാരണ കാര്യമായി കണ്ട് അതിനെ തള്ളിക്കളയരുത്. തുടര്ച്ചയായി മൂത്രത്തിനു അസഹ്യമായ ദുര്ഗന്ധം തോന്നുന്നുണ്ടെങ്കില് വൈദ്യസഹായം തേടേണ്ടതാണ്.
പ്രമേഹമുള്ളവരില് മൂത്രത്തിനു അസഹ്യമായ ഗന്ധം തോന്നും. ഇത്തരക്കാര് പ്രമേഹ പരിശോധന നടത്തുകയും വൈദ്യസഹായം തേടുകയും വേണം. ശരീരത്തില് എന്തെങ്കിലും അണുബാധയുണ്ടെങ്കിലും ചിലരില് മൂത്രത്തിനു അസഹ്യമായ ഗന്ധം അനുഭവപ്പെട്ടേക്കാം. ശരീരത്തിനു ആവശ്യമായ വെള്ളം നിങ്ങള് കുടിക്കുന്നില്ലെങ്കില് മൂത്രത്തിനു ദുര്ഗന്ധം അനുഭവപ്പെട്ടേക്കാം. ശരീരത്തില് നിര്ജലീകരണം നടക്കുന്നതിന്റെ സൂചനയാണ് ഇത്. ഇത്തരക്കാര് വെള്ളം കുടിക്കുന്നതിന്റെ അളവ് വര്ധിപ്പിക്കുകയാണ് വേണ്ടത്. ചില മരുന്നുകള് കഴിക്കുമ്പോഴും മൂത്രത്തിനു അസഹ്യമായ ഗന്ധം അനുഭവപ്പെടും.
നിങ്ങളുടെ ദഹനം കൃത്യമായി നടക്കുന്നില്ലെങ്കിലും മെറ്റാബോളിസം താളം തെറ്റിയാലും മൂത്രത്തിനു അസഹ്യമായ മണം വന്നേക്കാം. മൂത്രത്തിനു ദുര്ഗന്ധം, മൂത്രമൊഴിക്കുമ്പോള് അസഹ്യമായ വേദന, മൂത്രത്തിനു ഇരുണ്ട നിറം, മൂത്രത്തില് രക്തത്തിന്റെ അംശം എന്നീ ലക്ഷണങ്ങള് ഉണ്ടെങ്കില് അത് മൂത്രനാളിയിലെ പഴുപ്പ് കാരണമാകും. സ്ത്രീകളില് യോനിയില് പഴുപ്പ് വന്നാലും മൂത്രത്തിനു അസഹ്യമായ ഗന്ധമായിരിക്കും. നിങ്ങളുടെ വൃക്കയുടെ പ്രവര്ത്തനങ്ങള് തകരാറിലായാലും മൂത്രത്തിനു അസഹ്യമായ ഗന്ധം വരും. കരള് രോഗമുള്ളവരിലും ഈ ലക്ഷണം കാണിക്കുന്നു.
അടുത്ത ലേഖനം
