അനുബന്ധ വാര്ത്തകള്
- പ്രമേഹ രോഗികള്ക്ക് ഇഡ്ഡലി കഴിക്കാമോ? ഒരു ഇഡ്ഡലിയില് എത്ര സ്പൂണ് പഞ്ചസാരയുണ്ടെന്നോ !
- ചപ്പാത്തി കഴിച്ചാല് തടി കുറയുമോ? യാഥാര്ഥ്യം ഇതാണ്
- ഈ പ്രശ്നമുള്ളവര് രാത്രി ഒരു കാരണവശാലും നേരംവൈകി ഉറങ്ങരുത് !
- രാജ്യത്തെ 25 ശതമാനത്തോളം യുവതികള്ക്കും പൊണ്ണത്തടി, പക്ഷെ കണ്ടാല് പറയില്ല!
- National Childhood Obesity Awareness Month 2023: ഗര്ഭകാലത്തെ മാതാവിന്റെ തെറ്റായ ഭക്ഷണ രീതി കുട്ടികളെ അമിതവണ്ണക്കാരാക്കും!
ദിവസവും മുട്ട കഴിക്കാറുണ്ടോ? ഇക്കാര്യങ്ങള് ശ്രദ്ധിക്കണം
മുട്ട ഇഷ്ടമില്ലാത്തവരായി ആരും കാണില്ല. ദിവസത്തില് ഒരു മുട്ടയെങ്കിലും കഴിക്കുന്നവരായിരിക്കും നമ്മളില് ഭൂരിഭാഗം പേരും. മുട്ട പുഴുങ്ങിയോ ഓംലറ്റ് ആയോ അതുമല്ലെങ്കില് ബുള്സ്ഐ ആയോ നമ്മള് കഴിക്കും. വൈറ്റമിനും പ്രോട്ടീനും ഏറെ അടങ്ങിയിട്ടുള്ള ഭക്ഷണ പദാര്ത്ഥം കൂടിയാണ് മുട്ട. എന്നാല്, മുട്ട കഴിക്കുമ്പോള് ശ്രദ്ധിക്കേണ്ട ചില കാര്യങ്ങള് ഉണ്ട്.
മുട്ടയുടെ മഞ്ഞക്കരുവില് മാത്രം 180-300 മില്ലിഗ്രാം കൊളസ്ട്രോള് അടങ്ങിയിട്ടുണ്ട്. പ്രതിദിനം 300 മില്ലിഗ്രാം കൊളസ്ട്രോള് മാത്രമേ ഭക്ഷണത്തില് ഉള്പ്പെടുത്താവൂ. അതുകൊണ്ട് മുട്ടയുടെ മഞ്ഞക്കരു അധികം കഴിച്ചാല് ഒരു ദിവസം വേണ്ട കൊളസ്ട്രോളിന്റെ അളവിനേക്കാള് കൂടുതല് ആകും അത്. മുട്ടയുടെ മഞ്ഞക്കരു ഒഴിവാക്കി വെള്ള മാത്രം കഴിക്കുന്നത് ആരോഗ്യകരമായ കാര്യമാണ്. അപ്പോഴും മുട്ട കഴിക്കുന്നതിനു കൃത്യമായ അളവ് വയ്ക്കണം. ഹൃദ്രോഗമോ എല്ഡിഎല് കൊളസ്ട്രോളോ ഉള്ള ആളുകള് ആഴ്ചയില് മൂന്നില് അധികം മുട്ട കഴിക്കാതിരിക്കുകയാണ് നല്ലത്.
കുട്ടികള്ക്ക് ദിവസവും ഒരു മുട്ട കഴിക്കാവുന്നതാണ്. മഞ്ഞക്കരു ഒഴിവാക്കുന്നതാണ് നല്ലത്. സംസ്കരിച്ച ഇറച്ചി, മൈദ, പഞ്ചസാര കൂടുതലുള്ള ഭക്ഷണസാധനങ്ങള്, ട്രാന്സ് ഫാറ്റ് അടങ്ങിയ സംസ്കരിച്ച ഭക്ഷണം തുടങ്ങിയവയ്ക്കൊപ്പം മുട്ട ചേര്ത്ത് കഴിക്കുന്നത് ആരോഗ്യത്തിനു നല്ലതല്ല.
