അനുബന്ധ വാര്ത്തകള്
- ലൈംഗിക ഉത്തേജനം ഇല്ലാതെ തന്നെ രതിമൂര്ച്ഛ സംഭവിക്കുന്നു; സ്പൊന്ഡേനിയസ് ഓര്ഗാസം ഡിസോര്ഡറിനെ കുറിച്ച് അറിയണം
- ഈ യോഗാസനങ്ങള് പക്ഷാഘാതത്തിന് കാരണമാകും!
- കാല് വേദനയുമായി ബന്ധപ്പെട്ട അടിസ്ഥാന ആരോഗ്യ പ്രശ്നങ്ങള് അറിയുക
- ഹൃദയാരോഗ്യത്തിന് ഉറങ്ങുന്നതിന് 3 മണിക്കൂര് മുമ്പെങ്കിലും അത്താഴം കഴിക്കണം
- മൂക്കില് തോണ്ടുന്നത് ഡിമെന്ഷ്യയുടെ ലക്ഷണമാണോ? മൂക്ക് വൃത്തിയാക്കാനുള്ള 5 ഫലപ്രദമായ വഴികള് ഇവയാണ്
പലചരക്ക് കടയില് പോകുമ്പോള് ഓര്ഗാസം! സ്പൊന്ഡേനിയസ് ഓര്ഗാസം ഡിസോര്ഡറിനെ കുറിച്ച് അറിയണം
ജോലിസ്ഥലത്ത് ഇരിക്കുമ്പോഴോ എവിടെയും എപ്പോള് വേണമെങ്കിലും ഇത് സംഭവിക്കാം.
ഒരു വ്യക്തിക്ക് ലൈംഗിക ഉത്തേജനമോ ആഗ്രഹമോ ഇല്ലാതെ രതിമൂര്ച്ഛ അനുഭവപ്പെടുന്ന അവസ്ഥയ്ക്ക് പറയുന്ന പേരാണ് സ്പൊന്ഡേനിയസ് ഓര്ഗാസം ഡിസോര്ഡര്. പലചരക്ക് സാധനങ്ങള് വാങ്ങുമ്പോഴോ, പ്രഭാഷണം നടത്തുമ്പോഴോ, മെട്രോയില് യാത്ര ചെയ്യുമ്പോഴോ, ജോലിസ്ഥലത്ത് ഇരിക്കുമ്പോഴോ എവിടെയും എപ്പോള് വേണമെങ്കിലും ഇത് സംഭവിക്കാം.
എന്നാല് ഇതുമൂലം വ്യക്തികള്ക്ക് കടുത്ത നാണക്കേടും മാനസിക ബുദ്ധിമുട്ടും അനുഭവപ്പെടുന്നു. ഈ എപ്പിസോഡുകള് പെട്ടെന്ന് ഉണ്ടാകുന്നതും അസ്വസ്ഥത ഉളവാക്കുന്നതും ദൈനംദിന ജീവിതത്തില് ഇടപെടുന്നതുമാണെന്ന് ഡല്ഹിയിലെ പിഎസ്ആര്ഐ ആശുപത്രിയിലെ കണ്സള്ട്ടന്റ് ന്യൂറോളജിസ്റ്റ് ഡോ. ഭാസ്കര് ശുക്ല വിശദീകരിക്കുന്നു.
നാഡി ക്ഷതം, സുഷുമ്നാ നാഡിയിലെ പ്രശ്നങ്ങള്, അല്ലെങ്കില് പെല്വിക് നാഡികളുടെ അസാധാരണമായ പ്രവര്ത്തനം തുടങ്ങിയ ന്യൂറോളജിക്കല് ട്രിഗറുകള് ഈ അനാവശ്യ സംവേദനങ്ങള്ക്ക് കാരണമാകുമെന്ന് ഡോ. ശുക്ല വിശദീകരിക്കുന്നു. ചിലരില് കാരണങ്ങള് മാനസികമാണ്, ഉദാഹരണത്തിന് വിട്ടുമാറാത്ത ഉത്കണ്ഠ അല്ലെങ്കില് മുന്കാല ട്രോമ.
ഈ ഘടകങ്ങള് നാഡീവ്യവസ്ഥയുടെ സംവേദനക്ഷമത വര്ദ്ധിപ്പിക്കും. ഈ വര്ദ്ധിച്ച ഉത്തേജനാവസ്ഥ എപ്പിസോഡുകളെ കൂടുതല് ഇടയ്ക്കിടെയോ അസ്വസ്ഥതയുണ്ടാക്കുന്നതാക്കും. ഈവൈകല്യത്തിന് ഇതുവരെ പൂര്ണ്ണമായ ചികിത്സയില്ല. കൂടാതെ ഒരു മള്ട്ടി-ഡിസിപ്ലിനറി സമീപനത്തിലൂടെ മാത്രമേ ഇത് കൈകാര്യം ചെയ്യാന് കഴിയൂ. ശരിയായ ചികിത്സാ പദ്ധതി ഉപയോഗിച്ച്, എപ്പിസോഡുകളുടെ ആവൃത്തിയും തീവ്രതയും കുറയ്ക്കാന് കഴിയും. ന്യൂറോളജിക്കല് കാരണങ്ങളാണെങ്കില് നാഡികളുടെ അമിത പ്രവര്ത്തനത്തെ ശമിപ്പിക്കാന് ഡോക്ടര്മാര് മരുന്നുകള് നിര്ദ്ദേശിക്കുകയോ പെല്വിക് ഫ്ലോര് ഫിസിയോതെറാപ്പി ശുപാര്ശ ചെയ്യുകയോ ചെയ്തേക്കാം. മാനസിക സമ്മര്ദ്ദങ്ങള്ക്ക് തെറാപ്പി ഒരു പ്രധാന പങ്ക് വഹിക്കുന്നു.
അടുത്ത ലേഖനം
