അനുബന്ധ വാര്ത്തകള്
- ഈ വിറ്റാമിന്റെ കുറവുണ്ടായാല് ശരീരത്തിന് ഓക്സിജന് വഹിക്കാനുള്ള കഴിവ് കുറയും
- Omega Fatty Acid: ഈ ഒറ്റ പോഷകം മതി നിങ്ങളുടെ പല രോഗങ്ങളും മാറും!
- Food to Avoid Packing: ഈ അഞ്ചു ഭക്ഷണങ്ങള് സ്കൂളിലോ ജോലിസ്ഥലത്തോ കൊണ്ടുപോകരുത്!
- എപ്പോഴും വയര്പെരുക്കവും ഗ്യാസുമാണോ, ഈ ഭക്ഷണങ്ങള് ഒഴിവാക്കു
- World Health Day: വ്യായാമത്തെ കുറിച്ചു ഈ ധാരണകള് തെറ്റാണ്
പ്രമേഹം ആര്ക്കും വരാം, ഈ ലക്ഷണങ്ങളില് കാണുന്നുണ്ടെങ്കില് ഉറപ്പായും പരിശോധിക്കണം
ശരീരത്തില് പഞ്ചസാരയുടെ അളവ് കൂടുന്ന അവസ്ഥയാണ് പ്രമേഹം. പ്രമേഹം ഇന്ന് മലയാളികള്ക്കിടയില് സാധാരണായിരിക്കുകയാണ്. എങ്കിലും ഇത് ഗുരുതര ആരോഗ്യപ്രശ്നമാണ്. ഇത് വിവിധ അവയവങ്ങളെ സാരമായി ബാധിക്കും. രക്തത്തില് പഞ്ചസാരയുടെ അളവ് കൂടുതലാണെങ്കില് ശരീരം ചില ലക്ഷണങ്ങള് കാണിക്കും. അതില് പ്രധാനപ്പെട്ടതാണ് കാരണമില്ലാതെ ശരീരം മെലിയുന്നത്. രക്തത്തില് പഞ്ചസാരയുടെ അളവ് കൂടുതലെങ്കിലും കോശങ്ങള്ക്കുള്ളില് കുറവായിരിക്കും അങ്ങനെ ശരീരത്തിന് ഊര്ജം ഉല്പാദിപ്പിക്കാന് സാധിക്കാതെ വരും. പിന്നാലെ കൊഴുപ്പിനെയും മസിലിനെയും ശരീരം വിഘടിപ്പിച്ച് ഊര്ജമുണ്ടാക്കാന് ശ്രമിക്കും. ഇങ്ങനെയാണ് മെലിയുന്നത്.
മറ്റൊന്ന് ഇടക്കിടെ മൂത്രം ഒഴിക്കുന്നതാണ്. ഇത് ശരീരം പഞ്ചസാര പുറംതള്ളുന്നതിന് കണ്ടെത്തുന്ന മാര്ഗമാണ്. ഇതോടെ കൂടുതല് ദാഹവും തോന്നും. ശരീരത്തിലെ ജലാംശം നഷ്ടപ്പെടുന്നതുകൊണ്ടാണിത്. മറ്റൊന്ന് കാഴ്ച മങ്ങലാണ്. കൂടാതെ അമിതമായ ക്ഷീണവും ഉണ്ടാകും. ഇന്സുലിന് റെസിസ്റ്റന്റ് മൂലമാണ് ഇങ്ങനെ സംഭവിക്കുന്നത്. പ്രമേഹത്തിന്റെ മറ്റൊരു സൂചന മുറിവുകള് ഉണങ്ങാതിരിക്കുന്നതാണ്. കൂടാതെ ശരീരത്തില് അണുബാധിയും തൊലിപ്പുറത്ത് ഫംഗസ് ബാധയുമുണ്ടാകാം. പഞ്ചസാരയുടെ അംശമാണ് ചര്മരോഗത്തിന് കാരണമാകുന്നത്.
