അനുബന്ധ വാര്ത്തകള്
- പ്രീ സീസണ് സന്നാഹമത്സരത്തില് ബയേണ് എതിരാളികളുടെ വലയിലെത്തിച്ചത് 27 ഗോളുകള്, ഇത്തിരി ദയ ആവാമായിരുന്നുവെന്ന് സോഷ്യല് മീഡിയ
- അമേരിക്കയില് ആഞ്ഞടിച്ച് മെസ്സി തരംഗം, ആദ്യമത്സരത്തിന്റെ ടിക്കറ്റിന് വില ഒരു കോടിയോളം
- യൂറോപ്യന് ഫുട്ബോളിന്റെ നിലവാരം കുറഞ്ഞു, ഇനി യൂറോപ്പിലേക്കില്ല: സൗദി ലീഗ് എംഎല്എസിനേക്കാള് മികച്ചതെന്ന് റൊണാള്ഡോ
- ഒന്നെങ്കിൽ കരാർ പുതുക്കുക. അല്ലെങ്കിൽ ക്ലബ് വിടുക: തീരുമാനം പത്ത് ദിവസത്തിനകം വേണം: എംബാപ്പെയ്ക്ക് പിഎസ്ജിയുടെ അന്ത്യശാസന
- വിരമിക്കലിനെ പറ്റി സൂചന നല്കി മെസ്സി, ഇന്റര്മിയാമിയില് മെസ്സി ഇറങ്ങുക ഈ മാസം 21ന്
ഒരു മകൻ ജനിക്കുകയാണെങ്കിൽ അവന് മെസ്സി എന്ന് പേരിടും: നെയ്മർ
ഫുട്ബോളില് ചിരവൈരികളായ രാജ്യങ്ങള്ക്ക് വേണ്ടിയാണ് കളിക്കുന്നതെങ്കിലും ബ്രസീലിയന് സൂപ്പര് താരം നെയ്മറും അര്ജന്റീനന് സൂപ്പര് താരം ലയണല് മെസ്സിയും ഉറ്റ സ്നേഹിതരാണ്. ടീമുകള് തമ്മില് പരസ്പരം പോരടിക്കുമ്പോഴും മെസ്സിയുടെയും നെയ്മറുടെയും സൗഹൃദത്തിന് ഉലച്ചില് സംഭവിക്കാറില്ല. ഇപ്പോഴിതാ തനിക്കൊരു മകന് ജനിക്കുകയാണെങ്കില് ഉറ്റസ്നേഹിതനായ ലയണല് മെസ്സിയുടെ പേര് നല്കുമെന്ന് തുറന്ന് പറഞ്ഞിരിക്കുകയാണ് നെയ്മര് ജൂനിയര്.
കാമുകി ബ്രൂണ ബിയാന്കാര്ഡിയ്ക്കൊപ്പമുള്ള ആദ്യ കുഞ്ഞിന് പ്രതീക്ഷിച്ചിരിക്കുകയാണ് താരം. കഴിഞ്ഞ ദിവസമാണ് ബ്രൂണ ബിയാന്കാര്ഡി ഗര്ഭിണിയാണെന്നതിന്റെ ചിത്രങ്ങള് നെയ്മര് സമൂഹമാധ്യമങ്ങളില് പങ്കുവെച്ചത്. ബാഴ്സയില് ഒന്നിച്ച് കളിക്കുന്ന കാലത്താണ് മെസ്സിയും നെയ്മറും തമ്മിലുള്ള സൗഹൃദം ദൃഡമായത്. തുടര്ന്ന് 2017ല് നെയ്മര് ബാഴ്സ ഉപേക്ഷിച്ച് പിഎസ്ജിയിലേക്ക് പോവുകയായിരുന്നു. 2021ല് മെസ്സി ബാഴ്സലോണ വിട്ടപ്പോഴും പിഎസ്ജിയിലേക്ക് പോകുന്നതിന് കാരണമായത് നെയ്മറുടെ സാന്നിധ്യമായിരുന്നു.
