അനുബന്ധ വാര്ത്തകള്
- ഇതും മെസി തൂക്കും ! ഫിഫയുടെ മികച്ച താരമാകാന് എംബാപ്പെയും മെസിയും തമ്മില് മത്സരം
- ഫിഫ ദി ബെസ്റ്റ്: പട്ടികകളിൽ അർജൻ്റൈൻ താരങ്ങളുടെ ആധിക്യം, മികച്ച പരിശീലകനുള്ള പട്ടികയിൽ സ്കലോണിയും
- സൗദി ലീഗിൽ റൊണാൾഡോയുടെ ആറാട്ട്, ഹാട്രിക്കോടെ ലീഗ് ഫുട്ബോളിൽ 500 ഗോൾ നേട്ടം
- തുര്ക്കി ഭൂകമ്പം: ഘാന ദേശീയ താരവും മുന് ചെല്സി താരവുമായ ആറ്റ്സു കെട്ടിടാവശിഷ്ടങ്ങള്ക്കിടയില്
- മെസ്സി ബാഴ്സ വിടാൻ കാരണമായത് ജെറാൾഡ് പീക്കെ, ബാഴ്സ വിടുന്ന ദിവസം മെസ്സി ഡ്രെസ്സിംഗ് റൂമിൽ യൂദാസ് എന്നെഴുതിവെച്ചു
മെസി വരെ എന്നോട് പറഞ്ഞു, അവരെ കാണിക്കാന് വേണ്ടി തന്നെയാണ് ഞാന് അത് ചെയ്തത്; വെളിപ്പെടുത്തലുമായി എമി മാര്ട്ടിനെസ്
ലോകകപ്പില് തമാശരൂപേണയാണ് താന് അത് ചെയ്തതെന്നും മാര്ട്ടിനെസ് വെളിപ്പെടുത്തി
ഖത്തര് ലോകകപ്പില് മികച്ച ഗോള്കീപ്പര്ക്കുള്ള ഗോള്ഡന് ഗ്ലൗ നേടിയ ശേഷം നടത്തിയ ആഹ്ലാദപ്രകടനത്തില് പ്രതികരണവുമായി അര്ജന്റീന ഗോളി എമി മാര്ട്ടിനെസ്. ആരെയും വേദനിപ്പിക്കണമെന്ന് ഉദ്ദേശിച്ചല്ല താന് അത്തരമൊരു ആഹ്ലാദപ്രകടനം നടത്തിയതെന്ന് മാര്ട്ടിനെസ് പറഞ്ഞു. ലോകകപ്പില് തമാശരൂപേണയാണ് താന് അത് ചെയ്തതെന്നും മാര്ട്ടിനെസ് വെളിപ്പെടുത്തി. ഫ്രഞ്ച് മാധ്യം 'ഫ്രാന്സ് ഫുട്ബോളി'നു നല്കിയ അഭിമുഖത്തില് സംസാരിക്കുകയായിരുന്നു മാര്ട്ടിനെസ്.
' അത്തരമൊരു ആഘോഷത്തില് എനിക്ക് കുറ്റബോധം തോന്നേണ്ടതുണ്ടോ? ചില കാര്യങ്ങളുണ്ട് അവ ഞാനിനി അതേപടി ആവര്ത്തിക്കില്ല. ആരെയും വേദനിപ്പിക്കാനല്ല ഞാന് അങ്ങനെ ചെയ്തത്. എന്റെ കരിയറിലുടനീളം നിരവധി ഫ്രഞ്ച് താരങ്ങള്ക്കൊപ്പം ഞാന് കളിച്ചിട്ടുണ്ട്. അവരുമായി എനിക്കൊരു പ്രശ്നവുമില്ല. ഞാന് ഏത് തരത്തിലുള്ള വ്യക്തിയാണെന്ന് ജിറൂദിനോട് ചോദിക്കാം. ഞാന് ഫ്രഞ്ച് സംസ്കാരത്തെയും അവരുടെ മനോഭാവത്തെയും ഇഷ്ടപ്പെടുന്നു. എന്റെ സഹതാരങ്ങള്ക്ക് നേരെയുള്ള ഒരു തമാശ പ്രകടനം മാത്രമായിരുന്നു ഈ ആഘോഷം. ഞാനിത് കോപ്പ അമേരിക്കയിലും ചെയ്തിട്ടുണ്ട്, അന്ന് അവരെല്ലാം താക്കീത് ചെയ്തു. ഇത്തരത്തില് ആഘോഷം നടത്തരുതെന്നാണ് അന്ന് അവര് പറഞ്ഞത്. മെസി അടക്കം എന്നെ തിരുത്തിയിരുന്നു. ലോകകപ്പിന് ശേഷം ഞാനത് ചെയ്തത് എന്റെ ടീം അംഗങ്ങള് കൂടി കാണാനാണ്. ഒരു തമാശ പോലെ,' മാര്ട്ടിനെസ് പറഞ്ഞു.
