അനുബന്ധ വാര്ത്തകള്
- റിസ്ക് എടുക്കാൻ ആഗ്രഹിച്ചില്ല: സഹലിനെ സെമിയിൽ കളിപ്പിക്കാത്തതിനെ പറ്റി വുകമാനോവിച്ച്
- ഐഎസ്എല്ലിൽ ജംഷഡ്പൂരിന്റെ അപരാജിത കുതിപ്പിന് തടയിട്ട് ബ്ലാസ്റ്റേഴ്സ്, ആദ്യ പാദ സെമിയിൽ വിജയം ഒരൊറ്റ ഗോളിൽ
- ബ്ലാസ്റ്റേഴ്സ് ആരാധകര്ക്ക് തിരിച്ചടി ! ഫൈനലില് മഞ്ഞ ജേഴ്സിയില്ല
- ഫൈനലിൽ ആരാണ് എതിരാളി എന്നത് വിഷയമല്ല: കലാശപ്പോരിന് മുൻപ് അഡ്രിയാൻ ലൂണ
- കപ്പടിക്കാന് കേരളത്തിന്റെ മഞ്ഞപ്പട; ബ്ലാസ്റ്റേഴ്സ് ഫൈനലില് എത്തുന്നത് ആറ് വര്ഷങ്ങള്ക്ക് ശേഷം
ഫൈനൽ നടക്കുന്നത് ബ്ലാസ്റ്റേഴ്സിന്റെ പ്രിയ മൈതാനത്ത്, ഇതുവരെ അടിച്ചത് 24 ഗോളുകൾ
കന്നി കിരീടം തേടി ഐഎസ്എൽ ഫൈനലിന് കൊമ്പന്മാർ ഇറങ്ങുമ്പോൾ ഫറ്റോർഡയിലെ കണക്കുകൾ കേരള ബ്ലാസ്റ്റേഴ്സിന് അനുകൂലം. സീസണിൽ ഇവിടെ ബ്ലാസ്റ്റേഴ്സ് കളിച്ചപ്പോൾ ഒരിക്കൽ മാത്രമാണ് പരാജയം നേരിട്ടത്. സീസണിൽ ബ്ലാസ്റ്റേഴ്സിന്റെ ഹോം ഗ്രൗണ്ടായിരുന്നു ഫറ്റോർഡ.
ഫറ്റോർഡയിൽ 8 കളികളിൽ ബ്ലാസ്റ്റേഴ്സ് വിജയിച്ചപ്പോൾ അഞ്ച് മത്സരങ്ങൾ സമനിലയിലായി. 24 ഗോളുകൾ ഇവിടെ ബ്ലാസ്റ്റേഴ്സ് അടിച്ചുകൂട്ടിയപ്പോൾ വഴങ്ങിയത് 11 ഗോളുകൾ മാത്രം. 5 ക്ലീൻ ഷീറ്റുകൾ ഇവിടെ ബ്ലാസ്റ്റേഴ്സിന്റെ അക്കൗണ്ടിലുണ്ട്. ലീഗ് ഘട്ടത്തിൽ പോയന്റ് ടേബിളിൽ ബ്ലാസ്റ്റേഴ്സിന് മുകളിലായിരുന്നു ഹൈദരാബാദിന്റെ സ്ഥാനം.
ലീഗിലെ ആദ്യഘട്ടത്തിൽ ഏറ്റുമുട്ടിയപ്പോൾ എതിരില്ലാത്ത ഒരു ഗോളിന് ഹൈദരാബാദിനെതിരെ ബ്ലാസ്റ്റേഴ്സ് വിജയം നേടിയിരുന്നു. എന്നാൽ രണ്ടാം തവണ ഏറ്റുമുട്ടിയപ്പോൾ എതിരില്ലാത്ത രണ്ട് ഗോളുകൾക്കാണ് ഹൈദരാബാദ് ബ്ലാസ്റ്റേഴ്സിനെ തോൽപ്പിച്ചത്.
