Cristiano Ronaldo: എനിക്ക് പ്രായമായി, അവസാന ഘട്ടത്തിനു തൊട്ടരികെ: ക്രിസ്റ്റ്യാനോ റൊണാള്ഡോ
അതേസമയം നിശ്ചിത സമയത്ത് 2-2 നു മത്സരം സമനിലയില് പിരിഞ്ഞതോടെ വിജയികളെ തീരുമാനിക്കാന് പെനാല്റ്റി ഷൂട്ടൗട്ട് നടത്തുകയായിരുന്നു
Cristiano Ronaldo
Cristiano Ronaldo: യുവേഫ നാഷന്സ് ലീഗ് ഫൈനലില് സ്പെയിനിനെ തോല്പ്പിച്ചതിനു പിന്നാലെ വികാരാധീനനായി പോര്ച്ചുഗല് താരം ക്രിസ്റ്റ്യാനോ റൊണാള്ഡോ. തന്റെ കരിയര് അവസാന ഘട്ടത്തിലാണെന്ന് കിരീട നേട്ടത്തിനു പിന്നാലെ റൊണാള്ഡോ പറഞ്ഞു.
' നിങ്ങള്ക്ക് അറിയാമല്ലോ, എനിക്ക് പ്രായമായെന്ന്. ഞാനിപ്പോള് അവസാന സമയത്തിനു തൊട്ടരികെയാണ്. ഞാന് കരിയറിന്റെ തുടക്കത്തില് ആയിരുന്ന സാഹചര്യമല്ല. എങ്കിലും ഫുട്ബോളിന്റെ ഓരോ നിമിഷവും എനിക്ക് ആസ്വദിക്കണം. വളരെ ഗുരുതരമായ പരുക്കുകള് സംഭവിച്ചില്ലെങ്കില് ഞാന് ഇനിയും മുന്നോട്ടു പോകും,' റൊണാള്ഡോ പറഞ്ഞു.
' ക്ലബ് ഫുട്ബോളില് എനിക്ക് ഒരുപാട് കിരീടങ്ങളുണ്ട്. എന്നാല് പോര്ച്ചുഗലിനു വേണ്ടി കിരീടം നേടുന്നതിനേക്കാള് വലിയതായി ഒന്നുമില്ല. എന്റെ കണ്ണുനിറയുന്നു. ദൗത്യം പൂര്ത്തിയാക്കി, അതിന്റെ സന്തോഷമാണിത്,' റൊണാള്ഡോ കൂട്ടിച്ചേര്ത്തു.
അതേസമയം നിശ്ചിത സമയത്ത് 2-2 നു മത്സരം സമനിലയില് പിരിഞ്ഞതോടെ വിജയികളെ തീരുമാനിക്കാന് പെനാല്റ്റി ഷൂട്ടൗട്ട് നടത്തുകയായിരുന്നു. പെനാല്റ്റി ഷൂട്ടൗട്ടില് 5-3 നാണ് പോര്ച്ചുഗല് സ്പെയിനിനെ തോല്പ്പിച്ചത്.
